«Аленький цветочек» юмахăн ашшӗ
Сергей Аксаков уявӗ 34-мӗш хут иртрӗ. Йăлана кӗнӗ тăрăх, ăна çыравçăн çуралнă кунӗ умӗн сентябрь уйăхӗн вӗçӗнче ирттереççӗ. Аксаков кунӗсене Пушкăртстанра вырăс культурин уявӗ тесе йышăннă. Сергей Аксаков çыравçăн ятне вулакансем, тен, пӗлсех каймаççӗ-тӗр: Пушкинпа Гоголь пекех анлă сарăлман пек. Çапах та «Аленький цветочек» юмаха пурте пӗлетпӗр. Вырăс литературине ăна шăпах Сергей Тимофеевич Аксаков илсе килнӗ. Çыравçă 1791 çулхи октябрӗн 1-мӗшӗнче Ӗпхӳре çуралнă. Юмахсемпе ăна Пăлаки ятлă тарçă паллаштарнă, çав шутра «Хӗп-хӗрлӗ чечекпе» те.
