Халăх пуласлăхӗ – ачасенче
Ноябрӗн 29-мӗшӗнче Хусанти 180№ полилингвальлӗ гимназире Раççейре пурăнакан халăхсен чӗлхисемпе шкул ачисен тӗпчев конференцийӗ иртрӗ. Унчченхи çулсенчи пекех унта çичӗ халăх – вырăс, тутар, чăваш, мари, мордва, удмурт тата пушкăрт – вӗренекенӗсем хутшăнчӗç. Асăннă конференци, унта тăтăш хутшăнакансем пӗлеççӗ ӗнтӗ, кашни çулах ноябрь уйăхӗн вӗçӗнче иртет. Ăна Тутарстан Республикин Вӗрентӳпе наука министерстви, ТР Вӗрентӳ аталанăвӗн институчӗ, Хусан хулин Вӗрентӳ управленийӗ тата тӗп хулари 180№ полилингвальлӗ гимнази йӗркелет.
