Кашни шăнкăравлаканах шанма юрамасть
Пенси укçи банк картти çине куçса пыни япăх мар-ха – пухăнса пырать. Пурнăçра хурапа шуррине нумай курнă ват çынсем мӗн-мӗн те, перекетлеме пӗлеççех, мӗншӗн тесен сахаллипе çырлахма хăнăхнă. Кунта ним япăххи те çук-ха, банк картти çинчи укçа текех вăрттăнлăх пулма пăрахнине шута илмесен. Ку е вăл кинемин е старикӗн «кирлӗ куна» пухăнса пынă укçи пуррине шулӗксем ăçтан пӗлни тӗлӗнтерет, тен, ятарласа пӗлтерсе тăраканнисем пур? Сывлăшран миллионӗ-миллионӗпе укçа тăвакан вăрăсем çӗнӗрен те çӗнӗ мелсем шутласа тупаççӗ.
