News by date 17 March 2025

17 марта 2025
Тутарстанра «Çурхи каникул» мероприяти пуçланчӗ

Март уйăхӗн 17-мӗшӗнчен пуçласа 30-мӗшӗччен республикăра «Çурхи каникул» анлă мероприяти иртет, унăн тӗп тӗллевӗ – ачасен çул çинчи травматизмне чакарасси.
17 марта 2025
Паян Хусанта пурăнакансен паллă Раççей писателӗсемпе тӗл пулма май пур

Мартăн 17-мӗшӗнче Тутарстанăн тӗп хулине «Книжный поезд – 2025» çитрӗ. Ку вăл Пӗтӗм Раççей шайӗнчи акци, вăл писательсене, издательсене, обществăлла ӗçченсене тата паллах вулакансене пӗрлештерекен пысăк мероприяти. Кăçал ăна Тăван çӗршывăн Аслă вăрçинче çӗнтернӗренпе 80 çул çитнине халалланă.
17 марта 2025
Яш-кӗрӗмӗн пултарулăхӗ фестивальсенче курăнать

«Студентсен çуркунни» фестивале хутшăнас текен командăсенчен йӗркелӳçӗсем заявкăсем илме пуçланă та ӗнтӗ. Мартăн 25-мӗшчен пама пулать заявкăсене.
17 марта 2025
Апачӗ тутлă пултăр!

Панулми икерчи Шыв çине çăнăх, апат соди, сахăр песокӗ, ванилин, теркăпа хырнă панулми хушса чуста хатӗрлемелле. Чустана тип çу ярса хӗртнӗ çатма çине кашăкпа ăсса хура-хура ик енӗпе те икерчӗ ăшаламалла. 350 г çăнăх, 1 панулми, 1 чей кашăкӗ апат соди, 50 г сахăр песокӗ, пӗр чӗптӗм ванилин, 200 мл тип çу, 450 мл шыв кирлӗ.
17 марта 2025
Кăнтăртан хура кураксем таврăнаççӗ

Пушăн 17-мӗшӗ – Герасим. Кăнтăртан хура кураксем таврăнаççӗ. Вӗсем килнӗ-килмен йăвисене юсама тытăнаççӗ-тӗк – кӗç-вӗç ăшăтать, çуркунне кая юлмасть. Кайăксем йăвисене ларсан пӗр эрнерен çурхи акана тухма юрать тенӗ ваттисем. Енчен те кайăксем йăва суйласа пӗр çӗртен тепӗр çӗре куçса çӳреççӗ – çанталăк час-час улшăнса тăрӗ.
17 марта 2025
Йышăну тунă чух çирӗп кăмăллă пулмалла

Март варри – çанталăк вăраннă вăхăт, çӗр çинчи пӗтӗм чӗрӗ чун, йывăç-курăк вăй илет, умра çутă пуласлăх. Хӗвел Така паллине кӗнине астрологи çулталăкӗ пуçланнă тесе ăнланмалла. Эмоцисем ытла пысăккăн капланса килеççӗ, йышăну тунă чух чăрмантарасран асăрханăр. Кам-тăр хăйпе хăй килӗшӳ тупаймасть, кам-тăр ăнăçăва вӗçерӗнмелле мар çирӗп тытать.