News by tag - Чуваши Татарстана

• 14 мая 2022

  Ытла та мăнаçлă-çке Иван Казанков пуçарăвӗпе тата тăрăшнипе çӗкленекен Сувар!

  Сиктӗрме-Хусанкай ялӗнчен тухса Уяв лапамне çул тытрăмăр. Малтан пӗвесем умӗн иртрӗмӗр, шыв варрине акăшсем валли пӗчӗкçеç çурт евӗр йăвасем вырнаçтарнă. Паяна кунта тăватă мăшăр акăш пурăнать. Пӗвесен шучӗ те виççе çитнӗ. Тӗп пӗве урлă кӗçех президент кӗперӗ пулмалла – никӗсӗ хатӗр. Вăрман пуçланнă тӗлте таçтан инçетрен авалхи Сувар хулашӗн крепоçӗ мăнаçлăн курăнса ларать. Ăшра пӗр пăлхантарса, пӗр хăпартлантарса яракан туйăмсем çуралаççӗ. Ытла та мăнаçлă-çке Иван Казанков пуçарăвӗпе тата тăрăшнипе çӗкленекен Сувар! Çак крепоçпе пӗрле чăваш ячӗ те ӳссе, тӗрекленсе пынăн туйăнать.

  
• 09 мая 2022

  Сиктӗрме-Хусанкай ялӗнче СССР 100-çуллăхне халалланă парк уçăлать

  Ӗнер, майăн 8-мӗшӗнче Элкел районӗнчи Сиктӗрме-Хусанкай ялӗнче паллă мероприяти пулса иртрӗ. Çак ялта çуралса ӳснӗ сумлă чăваш çынни, «Звениговский» совхозăн генеральнăй директорӗ Иван Казанков пуçарăвӗпе кунта СССР 100-çуллăхне халалланă парк тума пуçланă. Иван Иванович каланă тăрăх, кунта СССР йышне кӗнӗ кашни союзла республикăн тата СССРăн ялавӗсене вырнаçтараççӗ. Андриян Николаев космонавта халалласа ракета та вырнаçтарма палăртнă.

  
• 08 марта 2022

  «Ун чухне пурте пӗр пек çук пулнă, пуянсемпе чухăнсем çине пайланман. Пӗр-пӗрне пулăшса пӗр килти пек туслă пурăннă халăх», – каласа парать Çӗнӗ Йӗлмелӗнче пурăнакан Клавди акка

  Клавдия  Мискина (Мулеева) Çӗнӗ Йӗлмелӗнче  (Çӗпрел районӗ) чи аслă çынсен шутне кӗрет. Хăй калашле, ун пеккисем сахал юлнă ӗнтӗ. Хăйӗн калаçăвӗнче ӗлӗкхи чылай пулăма куç умне кăларса тăратрӗ вăл. – Эпӗ 1936 çулта çуралнă. Ялта манран асли те темиçе çын кăна ӗнтӗ. Атте-аннен сакăр ачаччӗ, пире ӳсме питӗ йывăр пулчӗ. Эп 4 класс кăна пӗтерме пултартăм. Тумтир те çук, çимелли те çитместчӗ. Яшка пӗçерме тытăнсан анне курăк пуçтарма кăларатчӗ. Çавсене аса илсен халӗ те куççуль тухать.

  
• 11 сентября 2021

  Чăвашсем! Çыравра хăвăр хăш халăх çынни пулнине кăтартма ан манăр!

  Çыравăн тӗп тапхăрӗ октябрӗн 15-мӗшӗнчен пуçласа ноябрӗн 14-мӗшӗччен (çитме йывăр вырăнсенче декабрӗн 20-мӗшӗчченех) иртет. Октябрӗн 15-мӗшӗнчен пуçласа ноябрӗн 8-мӗшӗччен граждансем Патшалăх услугисен порталӗнче электронлă çырав хутне хăйсем тӗллӗн тултарма пултараççӗ. Кăçалхи çыравăн çӗнӗлӗхӗ ку. Пӗтӗм Раççей халăх çыравӗн пирвайхи пӗтӗмлетӗвӗсем 2022 çулхи апрель уйăхӗнче, пӗтӗмӗшле халăх шучӗ вара 2021 çул вӗçӗнче паллă пулаççӗ.

  
• 20 августа 2021

  ЮБИЛЕЙПЕ, ВАЛЕНТИНА НИКОЛАЕВНА!

  Августăн 19-мӗшӗнче пултаруллă çыравçă, сăвăç тата композитор РФ Писательсен союзӗн пайташӗ, ЧР Профессилле писательсен союзӗн пайташӗ Валентина Николаевна Тарават 75 çул тултарчӗ.

  
• 18 июля 2021

  ЭПИР ТЕ ХУРЛАНАТПĂР...

  Пултаруллă, талантлă, ӗçчен те сăпайлă чăваш Н.М.Сорокин пиртен ӗмӗрлӗхех уйрăлса кайнă пирки унăн çывăх çыннисемпе пӗрле эпир те, Анат Кама чăвашӗсем, чунтан хурланатпăр.

  
• 18 июля 2021

  ЧАТĂР ТĂВӖН УЯВӖ

  Азнакай районӗнчи Чатăр тăвӗ çинче 11-мӗш хут иртнӗ Тӗрӗк халăхӗсен фестивалӗнче республикăран, Пушкăртстанран, Крымран, çывăхри облаçсенчен 50 фольклор ансамблӗ авалтан сыхланса юлнă пултарулăхне кăтартрӗç.

  
• 17 июля 2021

  Чăваш Майни мӗншӗн çулсерен хир хапхине хупать?

  Июлӗн 11-мӗшӗнче Чăваш Майнинче уява ăсатрӗç.Уявăн тӗп вырăнӗ клуб умӗнче, унта чылай юрă-кӗвӗ янăрарӗ. Малалла уяв хур кайăк карти пек карталанса ял тăрăх кайрӗ.

  
• 05 июня 2021

  Кивӗ сăнӳкерчӗкӗн историйӗ

  Ку сăнӳкерчӗк «Сувар» хаçатăн иртнӗ номерӗнче 7-мӗш страницăра «Пиккăл йăхӗ» статьяпа пӗрле пичетленсе тухрӗ. Сăнӳкерчӗк историйӗпе хаклă вулакансене паллаштарни ытлашши пулмӗ тетӗп.

  
• 04 апреля 2021

  Диана МЕРДЮКОВА: «ТĂРĂШСАН УЙĂХНЕ МИЛЛИОН ТА ӖÇЛЕСЕ ИЛМЕ ПУЛАТЬ»

  Паллă блогерсем паян уйăхне миллионшар тенкӗ ӗçлесе илни халап пек. Мӗнле çамрăка ан ил – пурте фрилансер халӗ («фриланс» акăлчан чӗлхинчен ятарлă ӗç вырăнӗсӗр ирӗклӗ ӗçлекен тесе куçать. – Авт). Мӗн тăваççӗ вӗсем, епле майпа ӗçлесе илеççӗ тата ытти ыйтусем çине Диана Мердюкова хуравлать.

  
• 18 мая 2020

  Лăпкăн çывăр, Николай Михайлович ДВОРОВ-ШЕМЕКСЕМ

  Тутарстан чăвашӗсемшӗн пысăк çухату, май уйăхӗн 17-мӗшӗнче Николай Михайлович ДВОРОВ-ШЕМЕКСЕН пурнăçӗ вăхăтсăр татăлчӗ...

  
• 04 марта 2020

  Çырчалли чăвашӗсем «Дакар – 2020» призерӗпе тӗл пулчӗç

  Концерт пуçланиччен Çырчалли чăвашӗсем чăваш халăх сувенирӗсемпе атрибучӗсен куравӗпе паллашрӗç. Çавăн пекех хамăрăн паллă ентешпе – «КАМАЗ-мастер» командăн штурманӗпе, «Дакар – 2020» халăхсен хушшинчи ралли призерӗпе Дмитрий Никитинпа курса калаçма, тӗрлӗ ыйтусем пама, пӗрле сăн ӳкерӗнме, спортсменăн çитӗнӗвӗсем çинчен калакан сăнӳкерчӗксемпе, тӗнче шайӗнчи ăмăртусенче илнӗ кубоксемпе паллашма пултарчӗç. Дмитрий Çырчаллинчи ЧНКЦ хастарӗсен, «Чӗкеç» ансамбльте юрлакан Иринăпа Николай Никитинсен ывăлӗ. Кун пек пӗлтерӗшлӗ мероприятисенче ашшӗпе амăшне яланах тӗрев пама тăрăшать вăл.

  
• 13 февраля 2020

  Ялти çамрăксем валли те çул уçăлать

  Çынсене ӗçпе тивӗçтерекен, районта чи пысăк налог тӳлекен пулса тăнă Мускавра пурăнса асламăш патне каникула кăна килекен хӗрача.

  
• 20 июня 2019

  Учӳк çамрăксемшӗн те кăсăклă

  Июнӗн 28-30-мӗшӗсенче Элмет районӗнчи Патраклăра Кама тăрăхӗнчи чăвашсен XIII «Учук» уçă фестиваль хӳттинче Çамрăксен форумӗ пулать. Мероприяти йӗркелӳçисен шутӗнче ТР Çамрăксен, Вӗрентӳпе наука министерствисем, Тутарстан халăхсен ассамблейи, Туслăх Çурчӗ, ЧНКА, Элмет районӗ, «Аталан» çамрăксен пӗрлешӗвӗ, Патраклă ял хутлăхӗн администрацийӗ. Форума 18 – 30 çулти çамрăксем хутшăнма пултараççӗ. Мероприятин тӗллевӗ – чăваш чӗлхипе культурине упраса хăварасси, ăна çӗнӗлӗхсем кӗртсе аталантарасси. Хутшăнас текенсем заявкăна июнӗн 25-мӗшӗччен Isavastyanova@list.ru электронлă адреспа ярса памалла. Форумăн положенийӗпе www.suvargazeta.ru сайтра паллашма пултаратăр

  
• 13 июня 2019

  Сиреньелте Акатуй

  Акатуй программи Культура çурчӗн илемлӗ пултарулăх ушкăнӗн концерчӗпе, тӗрлӗ вăйăсемпе, ăмăртусемпе тăсăлнă. Акатуй паттăрӗн ятне Радион Петров тивӗçнӗ.