News by tag - коронавирус

18 августа 2023
Ковидпа чирлекенсен шучӗ 63 процент ӳснӗ

Пӗтӗм тӗнчери сывлăх сыхлав организацийӗ пӗлтернӗ тăрăх, юлашки уйăхра чирлекенсен шучӗ 63 процента ӳснӗ, вилекенсен шучӗ 56 процента чакнă.
14 ноября 2021
Мускаври ковид-госпитальте реанимацире ӗçлекен чăваш хӗрӗ Диана Ярухина: «Реанимацие лекес мар тесен профилактика мерисене çирӗп пăхăннисӗр пуçне вакцинаци те тумалла»

Ковида сиплекен хуть хăш больницăн хӗрлӗ зонинчи йывăр уйрăм вăл – реанимаци. Çын малалла пурăнассипе пурăнмасси шăп кунта палăрать. Куллен темиçешер çын ӗмӗрлӗхех куç хупнине чăтма тем те курнă тухтăрсемшӗн те çав тери йывăр. Пандеми пуçланнăранпа ӗçри пӗр сменăра кăна мӗн чухлӗн вӗсем?
07 ноября 2021
Тутарстан Президенчӗ Рустам Минниханов ноябрӗн 9-мӗшӗнчен вакцинацин пӗрремӗш прививкине тутарманнисене тата медотвод çуккисене ӗçе кӗртмелле маррине аса илтернӗ.

Республикăра чирлекенсемпе вилекенсен шучӗ ӳсни пурне те шухăшлаттармалла пек те, анчах çынсем ковида хирӗçле мерăсене пăхăнса каясшăнах мар. Коронавирусăн çивӗч лару-тăрăвӗ Тутарстанра çирӗп чару мерисене йышăнма хистет. Ноябрӗн 7-мӗшӗччен палăртнă кану кунӗсене малалла тăсмасан та республикăра санитарипе эпидемиологи лару-тăрăвӗ майлашăничченех çирӗп мерăсене пăхăнма тивӗ. Кун пирки ТР Президенчӗ Рустам Минниханов ТР Правительство Çуртӗнче иртнӗ ларура пӗлтернӗ. Ковида хирӗçле мерăсенчен пӗри – икӗ эрнерен 60 çултан иртнисен QR-код е медсправка çук пулсан вӗсен транспорт карттипе усă кураймаççӗ, вӗсен ӗçне чарса лартаççӗ.
24 октября 2021
КОВИД-ЧАРУСЕМ ÇУРКУННЕЧЧЕН ТĂСĂЛМА ПУЛТАРАÇÇӖ

Хальхи вăхăтра республикăри лару-тăрăва çăмăл теме çук. Чирлекенсен шучӗ юлашки эрнере 37 процента ӳснӗ. Covid-19-па чирлессин ӳсӗмӗ ОРВИ чирӗсен сезонӗпе пӗр вăхăта килни çинчен манмалла мар. Çакăн çинчен журналистсемпе йӗркеленӗ пресс-конференцире ТР тӗп санитари врачӗ Марина Патяшина пӗлтерчӗ. Унпа пӗрле журналистсемпе Коронавируспа кӗрешекен оперативлă штаб ертӳçи, ТР вице-премьерӗ Лейла Фазлеева, ТР çамрăксен ӗçӗсен министрӗ Тимур Сулейманов, ТР сывлăх сыхлав министрӗн çумӗ Альмир Абашев тата ытти чиновниксем тӗл пулчӗç. Марина Патяшина сăмахӗсемпе, грипран вакцинаци тăвас темпсем пӗчӗк мар пулсан та, иртнӗ эрнере кăна 25 788 çын ОРВИпе чирленӗ. Пуçлăхсене, ытти регионсемпе танлаштарсан, Тутарстанри 60-тан иртнӗ çынсем вакцинаци тума васкаманни пăшăрхантарать, çав вăхăтра граждансен çак категорийӗ пуринчен те ытларах коронавирусран чирлет, вилет. Хăрушă чирпе больницăра выртакан е килте сипленекен кашни 4-мӗш çын – пенсионер. Çавăнпа Тутарстанра 65 çултан аслăрах вакцинаци туман çынсен изоляцине кӗртнӗ те.
16 октября 2021
Вакцинаци, QR-код, изоляци...

Октябрӗн 11-мӗшӗнчен, Тутарстанра коронавирус лару-тăрăвӗпе çыхăннă чарусем вăя кӗчӗç. Мӗнле чарусем-ха вӗсем? Мӗн улшăнчӗ пирӗн пурнăçра çак эрнерен? Кӗскен паллаштаратпăр.
11 декабря 2020
Ӳслӗк кăна е коронавирусах пулчӗ-ши?

Эпир, Раççей çыннисем, çуллен Çӗнӗ çул сӗтелне тулăх хатӗрлесе килес çул тата лайăхрах, тутă та лăпкă ирттӗр тесе ӗмӗтленетпӗр. Анчах 2020 çулта планетипех сарăлнă «COVID – 19» вирус инфекцине пула ӗмӗт пурнăçланмарӗ. Правительство йышăннă çирӗп мерăсене пăхмасăр нумай çемьене çитрӗ вăл, пирӗнне те аякра хăвармарӗ. Роспотребнадзор требованийӗсене пурне те пăхăнсан та, çав мура çаклатрăмах эпӗ...
08 ноября 2020
Каварлă ковид: чирленӗ чух илнӗ тест çирӗпленмерӗ, сывалнă хыççăн кăштахран панă анализ вара антителасем пуррине кăтартрӗ

Кӗркунне пуçланнăранпа коронавирус инфекцийӗпе чирленисен шучӗ ӳссе пыни никамшăн та вăрттăнлăх мар. Официаллă даннăйсем те çакна çирӗплетеççӗ, анчах цифрăсем уйрăлса тăраççӗ, вӗсем чăн кăтартусенчен темиçе хутчен те пӗчӗкрех пулӗ. Тӗслӗхрен, федерацин оперативлă штабӗн даннăйӗсем тăрăх, Раççейре октябрь вӗçне ковидран 27 пине яхăн çын вилнӗ, Росстат кăтартăвӗсемпе вара 2 хут ытларах: кăçалхи май уйăхӗнчен пуçласа августчен иртнӗ çулхи çак тапхăртипе танлаштарсан тӗрлӗ сăлтава пула 100 пинрен те ытларах çын вилнӗ.
07 ноября 2020
Р.Минниханов: «Коронавируспа çыхăннă лару-тăру республикăра çивӗч»

Коронавируспа çыхăннă лару-тăру республикăра çивӗчленсе пырать. Чирлекенсен шучӗ ӳсет. ТР Правительство Çуртӗнче иртнӗ канашлура паян çак ыйтăва сӳтсе явнă.
20 сентября 2020
Ырантан Тутарстанра ача-пăча тата кану центрӗсем ӗçлеме пуçлаççӗ

Ырантан Тутарстанра ача-пăча вăйă пӳлӗмӗсем, кану центрӗсем ӗçлеме пуçлаççӗ. Çакнашкал заведенисенче пулмалли çынсен хисепӗ те ӳсет. Кун пирки калакан постановлени çине ТР Премьер-министрӗ Алексей Песошин алă пуснă.
19 июля 2020
Паяна тата 29 çын коронавирус инфекцийӗпе чирленӗ

Тутарстанра июлӗн 19-мӗшӗ тӗлне коронавирус инфекцийӗпе тепӗр 29 çын чирленӗ. Вӗсенчен пӗри ютран килнӗ çын, ыттисене чирленисенчен ернӗ. 9 çынна госпитализациленӗ, 20-шӗ килте сипленет.
18 июля 2020
Район тухтăрӗ: «Хуласемпе райцентрсенче кăна мар, кашни ялта коронавируспа чирлекенсем пур»

Ку чирпе чирлекенсем пирӗн районта нумай, вилекенсем те сахал мар. Райцентрта кăна мар, кашни ялта чирлисем пур. Манăн тăван ялта та ковидран вилнӗ хӗрарăма пытарчӗç нумай пулмасть. Районти тӗп больницара инфекци уйрăмӗнче вырăн çитменнипе ача-пăча уйрăмне те вăхăтлăха инфекци ернисене сиплемелли туса хучӗç. Томографи тума чи йывăррисене кăна юнашар район центрне илсе каяççӗ. Чирлисем ытла нумай пулнипе унта РКТ туса ӗлкӗреймеççӗ... Ман шутпа, статистика чăн картинăн вуннăмӗш пайне кăна кăтартнă пек туйăнать. Нумайӗшӗн чирлӗ пулсан та мазокӗсем отрицательный пулаççӗ, е анализа тӗрӗс илмеççӗ, е урăх сăлтав.
26 июня 2020
Коронавирус: малтан пуç ыратма пуçларӗ, унтан шăрша туйма пăрахрăм...

Компьютер томографийӗ манăн та икӗ енлӗ пневмони пулнине кăтартрӗ. Covid-19 çине тепӗр хут анализ илчӗç. Больницăна выртма сӗнмерӗç те, мӗнле препаратсемпе сипленмеллине çырса пачӗç те сирӗн çăмăл йышши пневмони кăна тесе киле ячӗç. Тепӗр кун манăн та коронавирус çине панă анализ «положительнăй» пулни пирки пӗлтерчӗç...
21 июня 2020
Паяна тата 40 çын коронавируспа чирленӗ

Паяна Тутарстан Республикинче 40 çынра COVID-19 тупнă, пурне те чирлӗ çынсенчен ернӗ. Çав шутран 8-шне больницана вырттарнă, 32-шӗ килте сипленет.
20 июня 2020
Июнӗн 20-мӗшӗ тӗлне Тутарстанра тата 38 çын коронавируспа чирленӗ

Хусанти инфекци больници патӗнче васкавлă пулăшу машинисем халӗ те (сăнӳкерчӗкре) чирлисене кунта вырнаçтарас тесе 5-6-шар сехет черет кӗтсе лараççӗ.
24 мая 2020
Майăн 24-мӗшӗнче Тутарстанра тата 90 çын коронавируспа чирленӗ

Паянхи кун тӗлне Тутарстанра коронавируспа тата 90 çын чирленӗ. Çав шутран 6-шӗ – ют çӗртен килнисем, 84-шӗ – чирлӗ çынпа хутшăнса чир ертнисем. 28 çынна больницăна хунă, 62-шӗ килте сипленет.