Сувар

Инна Тражуковӑна Чӗмпӗр чӑвашӗсем аэропортра кӗтсе илнӗ

Ирӗклӗн кӗрешесси енӗпе Тӗнче чемпионки пулса тӑнӑ-ҫке вӑл!

Ҫак кунсенче Казахстанӑн шӗкӗр хулинче Нурсултанра ирӗклӗ кӗрешӳпе иртекен Тӗнче чемпионатӗнче чӑваш хӗрӗ 65 килограмчченхи виҫере кӗрешнӗ. Финала тухиччен Ульяновск облаҫӗнчи Ирҫел пики кавир ҫинче Корея, Казахстан, Болгари спортсменкисене парӑнтарнӑ. 

Сентябрӗн 19-мӗшӗнче Инна Тражукова Украинӑри Ирина Коляденкопа кӗрешнӗ те ҫӗнтернӗ. Тӗнче чемпионатӗнче мала тухни Тражуковӑна ҫӗршыв чысне ҫитес ҫул Японире иртекен Олимп вӑййисенче хӳтӗлеме май парать.

Паян чемпионка Чӗмпӗре вӗҫсе килчӗ. Аэропортра ӑна Ульяновск облаҫӗнчи ЧНКА хастарӗсем, тӑванӗсем тата спорта кӑмӑллакансем чечексемпе кӗтсе илчӗҫ.

Григорий Аванянпа Олег Мустаев сӑнӳкерчӗкӗсем 

Нравится
Поделиться:
Реклама
Комментарии (1)
Осталось символов:
  • 24 сентября 2019 - 10:20
    Без имени
    Саламлатпăр!