«Вилӗмсӗр полка» хутшăнар-и?

Тăван çӗршывăн Аслă вăрçинче пурнăçа хӗрхенмесӗр кӗрешнӗ кашни совет салтакне асăнса, сума суса Аслă Çӗнтерӳ кунӗнче, майăн 9-мӗшӗнче, Раççейре «Вилӗмсӗр полк» акци йӗркелеççӗ. Пирӗн, Тутарстан çыннисен, Хусанта иртекен акцие наци тумӗсем тăхăнса хутшăнма та май пур. Кăмăл пуррисене Тутарстан халăхсен ассамблейи хапăл туса кӗтет. Анчах ку валли маларах, апрелӗн 30-мӗшӗччен кăнтăрла 12.00 сехетчен, 89179071472 телефонпа (ТР ЧНКА) шăнкăравласа çырăнмалла. Акцие хăвăрпа пӗрле Тăван çӗршывăн Аслă вăрçине хутшăннă ветеран-тăванăрсен сăнӳкерчӗкӗллӗ штендерсем илмелле. (В. Александрова сăнӳкерчӗкӗ).