Хамăр çӗршывра та курса çӳремелли пайтах тесе шутлать Ухтияр Илюхин
Манăн мăнук Марат ашшӗ-амăшӗпе пӗрле пиртен инçех мар – Азнакай хулин çывăхӗнчи Яна Юл поселокӗнче пурăнать. Пирӗн пата час-час килет вăл. Кăçал çуркунне пӗрре çапла Марат хамăр пата килсен, ăна телефонран кăшт та пулсан уйăрас шухăшпа, хам 14-ра Хусана кайса курни пирки каласа пама пуçларăм. Хайхискер мана хăлха тăратсах итлеме пуçларӗ, хăйсене шкултан экскурсисене илсе çӳременни пирки ӳпкелешрӗ.
