Ленинград чăвашӗсен хăйсен гимнӗ пур
Санкт-Петербургри тата Ленинград облаçӗнчи чăваш пӗрлешӗвӗсен 2020 çулхи пӗрлехи ларăвӗнче çурçӗрти шӗкӗр хулари чăвашсен хăйсен гимнӗ пулмалли пирки сăмах тухнă. Каланă – тунă. Гимна вырăнти чăвашсен пухăвӗсем пуçланас умӗн кашнинче юрлама йышăннă.
Сăмахӗсем Валериан Гавриловăн, кӗвви Антонина Лукинан
Питӗрти чӑвашсен гимнӗ
Питӗрте чӑвашсем пурӑнаҫҫӗ,
Хӑйсене сумласа, упраса.
Яланах чӑвашла калаҫаҫҫӗ,
Ҫак тӑван чӗлхене сыхласа.
Хушса юрламалли:
Питӗрте пурнакан чӑвашсем,
Пӗрлешер, алран ал тытӑнар.
Шанчӑкпа малаллах ӑнтӑлар!
Эпир пур, эпир пулнӑ, пулар!
Чӑвашсем Питӗре те ҫӗкленӗ,
Аслӑ Петӗр патша хӑй чӗнсен.
Ҫакӑнтах-ҫке юлса та тӗпленнӗ
Хулана хӑпартса пӗтерсен.
Хушса юрламалли:
Питӗрте пурнакан чӑвашсем,
Пӗрлешер, алран ал тытӑнар.
Шанчӑкпа малаллах ӑнтӑлар!
Эпир пур, эпир пулнӑ, пулар!
Архитектор Егоров сӑн кӗртнӗ
Питӗре пит хитре чиркӳпе.
Е Бичурин тесен кам-ши пӗлмӗ,
Чӑвашсен чи маттур ӑсчахне.
Хушса юрламалли:
Питӗрте пурнакан чӑвашсем,
Пӗрлешер, алран ал тытӑнар.
Шанчӑкпа малаллах ӑнтӑлар!
Эпир пур, эпир пулнӑ, пулар!
Ҫӗршывра Аслӑ вӑрҫӑ тухсассӑн,
Питӗре тӑшмансем тапӑнсан
Чӑвашсем те пӗрле кар ҫеҫ тӑнӑ,
Хӳтӗленӗ вӗсем хулана.
Хушса юрламалли:
Питӗрте пурнакан чӑвашсем,
Пӗрлешер, алран ал тытӑнар.
Шанчӑкпа малаллах ӑнтӑлар!
Эпир пур, эпир пулнӑ, пулар!
Питӗрте чӑвашсем пурӑнаҫҫӗ,
Туслӑн ҫеҫ, алран ал тытӑнса.
Яланах чӑвашла калаҫаҫҫӗ,
Сумлӑн ҫак чӗлхене упраса.
Хушса юрламалли:
Питӗрте пурнакан чӑвашсем,
Пӗрлешер, алран ал тытӑнар.
Шанчӑкпа малаллах ӑнтӑлар!
Эпир пур, эпир пулнӑ, пулар!
Следите за самым важным и интересным в Telegram-каналеТатмедиа
Нет комментариев