Тутарстанри шкулсенче 368 педагогика класӗ уçăлнӑ, вӗсенче 5 пин ытла ача вӗренет. Кун пирки ТР вӗрентӳпе наука министрӗ Ильсур Хадиуллин пӗлтернӗ.
«Çапла вара, çак профильлӗ классене уçнипе вĕрентекенсене хатӗрлесси шкултан пуçланать», — тенӗ министр.
Çав вӑхӑтрах вӑл вӗрентӳ тытӑмӗн тӗллевӗ — экономикӑн пур отраслӗ валли те специалистсем хатӗрлесси пулнине те палӑртнӑ.
«Кӑçал çавӑн пекех инженери, аэрокосмос, аграри, физикӑпа математика, химипе биологи класӗсем те уçӑлчӗç. Универсаллӑ классем те пур», — палӑртнă Ильсур Хадиуллин.
Вӑл каланӑ тӑрӑх, шкулта специалистсем хатӗрлес ӗçе учительсемсĕр пуçне, ӗçпе тивĕçтерекенсем те хутшăнаççӗ.
Сăнӳкерчĕк mon.tatarstan.ru сайтран.
Нет комментариев