Тутарстан шкулӗсем çӗнӗ çултан çӗнетнӗ информаци системинче ӗçлеме пуçлаççӗ

Платформăна «Мускав электронлă шкулӗн» электронлă журналсемпе дневниксен компонентне кӗртеççӗ. Кун пирки журналистсене ТР вӗрентӳпе наука министрӗ Ильсур Хадиуллин пӗлтернӗ. 

Министр сăмахӗсемпе, «Тутарстан Республикин электронлă вӗрентӗвӗ» системăна 2009 çултах хута янă, паянхи куна вăл питӗ кивелнӗ, ăна тӗпрен çӗнетме вăхăт çитнӗ. 

«Çӗнетнӗ чух „Мускав электронлă шкулӗн“ сервисӗсемпе усă куратпăр. Унта çӗнӗ направленисемпе опцисем питӗ нумай. Вӗрентекенсене отчетсем пама çăмăлрах пулать малашне — пӗтӗм информаци çав системăра пулӗ»", — тенӗ И. Г. Хадиуллин. 

Декабрӗн 28-мӗшӗччен вара педагогсене çӗнӗ системăпа ӗçлеме вӗрентеççӗ.