News by date 4 December 2024
-
Олег Мустаев пурăннă пулсан паян 59 çул тултармаллаччӗ
Паян социаллă сетьсенче, чăвашла Телеграм-каналсенче ăна аса илсе постсем лартаççӗ. Çак хӗрӳ чӗреллӗ, чăвашлăхшăн чӗрине кăларса пама хатӗр çын тăрук, пӗр кӗтмен çӗртен пиртен уйрăлса кайрӗ. Пуриншӗн те ку питӗ пысăк çухату пулчӗ.
-
Патшалăх ӗçӗнче тăрăшакансем республикăри тăватă районта çамрăксемпе тӗл пулаççӗ
Тутарстанра пурăнакан çамрăксем патшалӑх служащийӗсен ӗçӗ пирки ытларах тата хăйсене кӑсӑклантаракан ыйтусем çине хуравсене «Новые горизонты: служим вместе» проект шайӗнче пӗлме пултарнине ТР çамрăксен ӗçӗсен министрествин пресс-служби пӗлтерет.
-
Тимлӗ пулăр – ултаççӗ!
Шулӗксем ятарлă çар операцине хутшăнакансемпе тăванӗсене улталамалли ятарлă схема шутласа тупнине пӗлтерет ТР ШӖМӗн пресс-служби.
-
Хусанти халăхсен хушшинчи аэропорт кăçал 5 миллиона яхăн çын йышăннă
Çулталăк пуçланнăранпа аэропорт услугисемпе усă курнă çынсен шучӗ 5 миллиона çитнине пӗлтерет аэропортăн пресс-служби.
-
Атăлçире Тутарстан ял ипотекине илессипе лидерсен шутӗнче
2020 çултан пуçласа республикăра 4,4 пин çын ял ипотекипе усă курнă. Вӗсенчен чылайăшӗ пурăнма хатӗр çурт-йӗр туяннă, 338-ӗ застройщиксемпе сделка тунă. Тутарстан ял ипотекине илессипе Атăлçире виççӗмӗш вырăн йышăннине Росреестрăн Тутарстан Республикинчи управленийӗн пресс-служби пӗлтерет. Иккӗмӗш вырăнта Удмурт Республики (4,7 пин кредит), пӗрремӗш – Пушкăрт Республики (5,8 пин кредит).