2020 çултан пуçласа республикăра 4,4 пин çын ял ипотекипе усă курнă. Вӗсенчен чылайăшӗ пурăнма хатӗр çурт-йӗр туяннă, 338-ӗ застройщиксемпе сделка тунă. Тутарстан ял ипотекине илессипе Атăлçире виççӗмӗш вырăн йышăннине Росреестрăн Тутарстан Республикинчи управленийӗн пресс-служби пӗлтерет. Иккӗмӗш вырăнта Удмурт Республики (4,7 пин кредит), пӗрремӗш – Пушкăрт Республики (5,8 пин кредит).
«Кăçал пирӗн ведомство 1464 ял ипотекине регистрациленӗ. Программăпа ытларах Çӳлту, Лайăш тата Петрӗç районӗсенче усă кураççӗ», – пӗлтернӗ Росреестрăн Тутарстан Республикинчи управленийӗн ертӳçин çумӗ Лилия Бурганова.
2024 çулăн февраль уйăхӗн даннăйӗсем тăрăх программа ӗçлеме пуçланнăранпа пурӗ 11 миллиард тенкеллӗх 3 процентлă ставкăпа 4,2 пин кредит панă. Раççейӗпе ял ипотекипе усă курса 150 пин çемье пурăнмалли кил-çурт туяннă. Октябрь уйӑхӗнче РФ премьер-министрӗ Михаил Мишустин ял ипотекине малалла субсидилесси пирки хушăва алӑ пуснӑ – çак тӗллевпе 6,8 миллиард тенкӗ уйӑрнӑ.
Сăнӳкерчӗк «Татар-информ» ИА.
Нет комментариев