Тимлӗ пулăр – ултаççӗ!

Социаллă сетьсенче е паллашу сайчӗсенче çак категорири граждансене шыраса тупса вӗсемпе медицина сестрисем, волонтерсем пек паллашаççӗ те «Единая Россия» парти СВОна хутшăннисене пӗр хутчен тӳлев парать тесе суя хыпар пӗлтереççӗ. Кун валли салтака е унăн тăванӗсене Android çине приложени уçласа лартма сӗнеççӗ. Троян вирусӗллӗ приложени хайхин контакчӗсемпе SMS-не курма ирӗк пама ыйтнисӗр пуçне ятарлă сайтра харпăр даннăйӗсене çырма та хистет. Шулӗксен кун хыççăн хайхин банкри шучӗ çинчи мӗнпур укçине вăрласси кăна юлать. Тутарстанра çак схемăпа сахалтан та 230 çын улталанса пӗтӗмпе 13 миллион тенкӗ укçа çухатнă. 

Сӗнӳкерчӗк «Татар-информ» ИА.