«Сувар» хаçат редакцийӗ пуçарнă «Шкул ачисен чăвашла кинофестивалӗ» конкурса хутшăнма заявкăсене октябрӗн 30-мӗшӗччен йышăнатпăр.
Халӗ конкурса хутшăнакансем 5 минутран кая мар, 15 минутран ытла мар кӗске чăвашла кино (видеоролик) ӳкермелле. Темăсем: «Манăн герой», «Манăн тăван тăрăхăн интереслӗ историйӗ», «Шкул историйӗсем», «Манăн çемьери чăваш йăлисем», «Туслăха упрамалла» тата чăваш культурипе çыхăннă харпăр тема. Фильма горизонтальлӗ форматпа ӳкермелле, ИИ-технологисемпе усă курма юрать.
Хатӗр кӗске фильмсене ноябрӗн 30-мӗшӗччен ярса памалла. Жюри ӗçсене ноябрӗн 30-мӗшӗнчен пуçласа декабрӗн 15-мӗшӗччен хак парӗ, çӗнтерӳçӗсене вара январь уйăхӗнче иртекен официаллă церемонире пӗлтеретпӗр.
Конкурса «Сувар» хаçат редакцийӗ «ТАТМЕДИА» АО тата Тутарстан Республикин Вӗрентӳпе наука министерстви тӗрев панипе ирттерет. Тӗп тӗллевӗ — пултарулăх урлă шкул ачисене чăваш чӗлхине юратма, ăна аталантарма вӗрентесси; ачасене чăваш халăхӗн культурин пуянлăхӗпе паллаштарасси; талантлă шкул ачисене тупса палăртасси.
Нет комментариев