Патшалăх ӗçӗнче тăрăшакансем республикăри тăватă районта çамрăксемпе тӗл пулаççӗ
Тутарстанра пурăнакан çамрăксем патшалӑх служащийӗсен ӗçӗ пирки ытларах тата хăйсене кӑсӑклантаракан ыйтусем çине хуравсене «Новые горизонты: служим вместе» проект шайӗнче пӗлме пултарнине ТР çамрăксен ӗçӗсен министрествин пресс-служби пӗлтерет.
Тӗлпулусем Чистай, Пăва, Елабуга тата Анат Кама хулисенче иртеççӗ. ТР çамрăксен ӗçӗсен министрӗн çумӗ Айгуль Сабирова пӗлтернӗ тăрăх, кашни районта иртекен мероприятисене виççӗрен кая мар спикер чӗнесшӗн. Вӗсен хушшинче министр çумӗсем, компанисен генеральный директорӗсем, бизнес-тренерсем, депутатсем, предпринимательсем.
«Çамрăксем валли Тутарстанра эпир обществăлла организацисемпе пӗрле госслужбăна популяризацилес тӗллевпе нумай проекта пурнăçа кӗртетпӗр. Ку проект та ӗçе вăйлатма пулăшаса шанатпăр», – ăнлантарнă Айгуль Сабирова.
Тӗлпулу вăхăтӗнче мастер-классем, лидер качествисене аталантаракан тата командăпа тухăçлă ӗçлеме вӗрентекен интерактивлă упражненисем пулаççӗ. Илнӗ хӑнӑхусем çамрӑксене професси хутлӑхне ӑнӑçлӑ кӗме пулӑшӗç.
ТР çамрăксен ӗçӗсен министрествин пресс-службин тата «Татар-информ» ИА сăнӳкерчӗкӗсем.
Следите за самым важным и интересным в Telegram-каналеТатмедиа
Нет комментариев