Паллă юбилее Чăваш кӗнеке издательстви çӗнӗ кăларăмпа уявлать
«Сувар» хаçат коллективӗ ятӗнчен те ӗçтешсене сумлă юбилейпе саламлатпăр. Редакципе Чăваш кӗнеке издательствин ӗçлӗ тата туслă хутшăнăвӗсем тахçанах йӗркеленнӗ, пӗр теçетке çул кăна та мар. «Сувара» вулакансем 8-мӗш полосари «Кӗнеке çӳлӗкӗ» рубрикăна лайăх пӗлеççӗ ӗнтӗ. Унта шăпах издательствăра пичетленсе тухнă çӗнӗ кӗнекесем пирки çырса пӗлтеретпӗр. Чăваш кӗнеке издетельствин илемлӗ литература редакцийӗн ӗçченӗсемпе, пултаруллă çыравçăсемпе – Ольга Федоровăпа, Ольга Австрийскаяпа, Дарья Морозовапа эпир тачă çыхăнса ӗçлетпӗр.
