News by date 16 November 2023
-
Аксу районӗнче пурăнакан вăрçă ветеранӗ Елисей Тимирясов 100 çул тултарчӗ
Аксу районӗнче пурăнакан Тăван çӗршывăн Аслă вăрçин ветеранӗ Елисей Мурзич Тимирясов çак кунсенче 100 çулхи юбилейне паллă тунă, тесе пӗлтерет Аксу районӗн «Ял пурнăçӗ» хаçачӗ.
-
Тутарстанпа Чăваш Енре М-12 çул уçăлчӗ
Паян, ноябрӗн 16-мӗшӗнче, пысăк хăвăртлăхлă М-12 çулăн çиччӗмӗш участокӗ (Шупашкар – Сурский çулран тытăнса Хусан – Пăва – Ульяновск Р-241 çул таран) уçăлчӗ. Аса илтеретпӗр М-12 çулăн çак участокӗ пӗтӗмпе 82 километр тăршшӗ, вӗсенчен 72 çухрăмӗ Тутарстан территорийӗ урлă иртет, 10-шӗ кăна Чăваш Ен урлă. Çул пӗтӗмпе 4 йăрăмлă.
-
«Пурçăн çул» раллин тепӗр çул юбилей
«Пурçăн çул» ралли 2024 çулта хăйӗн 15 çулхи юбилейне паллă тăвать. Ăмăрту хăй вара тепӗр çул 14-мӗш хут иртет. Ралли йӗркелӳçисем çак кунсенче Çӗпӗрте старт илсе Монголи урлă Китайра финиша тухакан «Пурçăн çулăн» маршручӗпе паллаштарчӗç.
-
Пăвари Данила Смирнов – Тӗнче чемпионӗ!
Ноябрӗн 6-11-мӗшӗсенче Орел хулинче тӗрлӗ стильлӗ каратэпе иртнӗ Тӗнче чемпионачӗпе Первенствинче Пăвари Р.З.Сагдеев ячӗллӗ шкулта 10-мӗш класра вӗренекен Данила Смирнов мала тухса Тӗнче чемпионӗ пулса тăнă.
-
Тутарстанри Чăваш хӗрарăмӗсен союзӗ ятарлă çар операцине хутшăннисене Çӗнӗ çул парни туса çăм чăлха çыхса парасшăн
Тутарстанри Чăваш хӗрарăмӗсен союзӗ ятарлă çар операцине хутшăннисене пулăшас тӗллевпе акци пуçарнине пӗлтерет – хӗллене ăшă çăм чăлха çыхса пуçтарса парасси. Ун пирки Союз председателӗ Сильвия Чаркина пӗлтерчӗ.