МАРИСЕМ
Ку халăха летопиçсенче черемиссем тесе палăртнă, чăваш литературинче çармăссем тесе çырни тӗл пулать. Халь эпир те, ыттисем те мари халăхӗ тетпӗр. Мари сăмах «мар» сăмахран тухнă, «çын» тенине пӗлтерет. Чылай вăхăт марисемпе мордвасем пӗр халăх тесе шутланă, XIX ӗмӗрти тӗпчевçӗсем пирки сăмахăм. XX ӗмӗр çурричченех çапла пулнă. А.П.Смирнов археолог тӗпчевӗсене пӗтӗмлетсе çакна каламалла: марисемпе мордвасем чăнах та тăван халăх, анчах вӗсене пӗр халăх тени тӗрӗс мар пулӗччӗ.
