News by date 13 June 2024

• 13 июня 2024

  Раççей университечӗсен филиалӗсем кӗçех Египетра тата Арабсен Пӗрлешӳллӗ Эмирачӗсенче уçăлмалла

  Июнӗн 10-11-мӗшӗсенче Хусанти Б. Рамеев ячӗллӗ ИТ-паркра «Формируя будущее» («Пуласлăха йӗркелесе») вӗрентӳ министрӗсен халăхсен хушшинчи форумӗ пычӗ. Питӗ тухăçлă та усăллă иртрӗ вăл. Ун площадкинче вуншар ӗçлӗ килӗшӳ турӗç, вӗрентӳпе çыхăннă чи çивӗч ыйтусене сӳтсе яврӗç.

  
• 13 июня 2024

  Ульяновск çар ветеранӗсем СВОна 43 миллион тенкӗлӗх пулăшу леçнӗ

  Çар ветеранӗ, отставкăри подполковник Марс Киямович Саяпов ертсе пыракан ветерансен ушкăнӗ ятарлă çар операцийӗ пуçланнă кунранах салтаксем валли гуманитари пулăшăвӗ пухать кăна мар, хăйех леçет те. Луганскран пуçласа Херсон облаçӗ таран çитсе кашни посылкăна адресата алăран тыттарать. Çавăнпа кун пек çулçӳревсенчен пӗри те эрнерен каярах пулаймасть, нихăçан та. Нумай пулмасть 21-мӗш рейсран таврăнчӗç.

  
• 13 июня 2024

  Вӗрентӳ опычӗпе пӗрле усă курма

  Июнӗн 10-11-мӗшсенче Хусанта «Формируя будущее» II Халăхсен хушшинчи вӗрентӳ министрӗсен форумӗ ӗçлерӗ

  
• 13 июня 2024

  Чăх, хур-кăвакал чӗппишӗн субсиди параççӗ

  Апрелӗн 1-мӗшӗнчен пуçласа июлӗн 1-мӗшӗччен хур-кăвакал, чăх, кăркка чӗппи туяннă харпăр хуçалăхсене тăкакăн пӗр пайне саплаштармашкăн субсиди параççӗ, тесе пӗлтерет ТР Ял хуçалăх министерствин пресс-служби.

  
• 13 июня 2024

  Санкт-Петербургра çӗршыври чăваш çамрăкӗсем пухăнса çавра сӗтел ирттернӗ

  Тутарстанран унта Юлия Еремеева тата Çырчаллинчи чăваш çамрăкӗсем хутшăнчӗç.

  
• 13 июня 2024

  Кăнтăрла 35 градуса çити шăрăх пулать

  ТР Гидрометцентрӗн прогнозӗ тăрăх, паян Тутарстанра улшăнса тăракан çанталăк.