Эпир пултартăмăр!
Июнӗн 12 — 23-мӗшӗсенче Хусан каллех тӗнче тимлӗхӗнче тăчӗ, кунта мультиспортпа БРИКС вăййисем иртрӗç. Кун пек анлă форматпа вăл хальччен ниçта та пулман-ха. 82 çӗршывăн 2852 спортсменӗ 27 спорт тӗсӗнче тупăшрӗ. «Çур çулта Игры Будущего, БРИКС Вăййисем пек пысăк икӗ проекта Хусан кăна ирттереет пуль. Пирӗн вăйлă команда, лайăх спорт инфраструктури. 11 çул каялла пулнă Универсиадăн çитӗнӗвне тепӗр хут тума пултартăмăр», — хăпартланса пӗтӗмлетрӗ БРИКС Вăййисене ТР Спорт министрӗ Владимир Леонов «Татар-информра» иртнӗ пресс-конференцире.
