Чăваш ачисем ёлкăра савăнчӗç
Вырсарникун, декабрӗн 22-мӗшӗнче, Хусанти Халăхсен Туслăх Çуртӗнче республикăн тӗп хулинче пурăнакан чăваш ачисен Çӗнӗ çулхи уявӗ иртрӗ. Виçӗ уйăхри шăпăрлансенчен пуçласа 14-15 çулхи ачасем таранах пуçтарăннă чăваш ёлкине. Уява йӗркелекенӗсем – Хусанти Нумай нациллӗ вырсарни шкулӗн чăваш уйрăмӗ, ТР Чăваш хӗрарăмӗсен союзӗ тата Тутарстанри чăваш çамрăкӗсен «Аталан» пӗрлешӗвӗ. Сăмах май, пӗлтӗр те йӗркелӳçӗсем вӗсемех пулнăччӗ, ачасемпе ашшӗ-амăшӗсем çулталăк каяллахи уяв мӗнле интереслӗ иртнине астăваççӗ, çавăнпа та кăçал та пурте хутшăнма васкарӗç.
