News by date 26 May 2025

26 мая 2025
Пограничниксене халалласа палăк уçрӗç

Чикӗ хурал çарӗнче хӗсметре тăнисене халалланă тепӗр палăка (Чикӗ паллине) май уйăхӗн 25-мӗшӗнче Аксу районӗнчи Çирӗклӗ ялӗнче уçрӗç. Ăна Тутарстан пограничникӗсен пӗрлӗхӗн Аксу районӗнчи уйрăмӗн ертӳçи Юрий Степанов пуçарăвӗпе лартнă.
26 мая 2025
Малашне перекет шучӗ çине хунă укçа-тенкӗ программипе ӗçлеме меллӗрех пулӗ

Октябрӗн 1-мӗшӗнчен пуçласа патшалӑхăн мар пенси фончӗпе договор тума тата нумай вăхăта перекет шучӗ çине хунă укçа-тенкӗ программине патшалăх услугисен порталӗ урлă хутшăнма пулать. Улшӑнусене РФ Патшалăх Думи иккӗмӗшпе виççӗмӗш вулавсенче ырланӑ.
26 мая 2025
«Нерест» операци: Атăла пулă тытмалли хатӗрсенчен тасатнă

«Нерест» операци шайӗнче Спас районӗнчи Атăл юханшывăн акваторийӗнче инноваци технологийӗсене ӗçе кӗртес енӗпе ӗçлекен ТР Биоресурссен патшалăх комитечӗн ӗçченӗ рак тытма усă куракан 73 хатӗр тупнă. Кун пирки ведомство пресс-служби пӗлтерет.
26 мая 2025
Паян куççуль кăларма юрамасть

• Çу уйăхӗн 26-мӗшӗ – Лукерья. Çак кун тӗлне вăрăмтунасем нумай-тăк, çулла çырла пухма ытларах карçинкка хатӗрле. Кăнтăрла шăрăх, каçпа сивӗ тăрсан – çанталăк типӗ тăрасса. Çак кун куççуль кăларма юрамасть.
26 мая 2025
Ку эрнере хамăра килӗшнине çӗнӗрен суйласа илмелле

Тен, пӗрисем кивелнӗ, çӗннисемпе улăштарма вăхăт çитнӗ? Халиччен тунă йăнăшсене тӳрлетме те ансат çак кунсенче. Ӳркенмелле мар, пӗрмай ӗçлемелле, анчах малтан тӗплӗн шутламалла. Майăн 27-мӗшӗнче çӗнӗ уйăх тухать, ăнсăртран каланă сăмахпа çынна кӳрентересрен асăрханăр.