Учӳк – туслăх фестивалӗ
Чăваш халăх культурин питӗ хăйне евӗр йăла-йӗрки вăл. Авалхи тӗнпе пурăнакан йăхташăмăрсем çăлкуç патӗнче – кӗл васанӗ теççӗ сăваплă вырăна – ирхине вăкăр е така пусса Турра чӳклесе параççӗ. Çапла майпа хӗл лайăх каçнăшăн, тулăх тухăçшăн, кил-йыш тӗрӗс-тӗкел пурăнса ирттернӗшӗн тав тăваççӗ тата кăçал та лайăх тухăç пама, ырă пурнăç пиллеме ыйтаççӗ.
