Ялтах пурӑнасчӗ
«Ялта мӗн тумалла, нимӗн те кӑсӑклантармасть», – теççӗ хăш-пӗрисем. Ӳркенмесен пахча çимӗç çитӗнтер, картишре чӑх-чӗп тыт, выльӑх-чӗрлӗх ӗрчетме май пур. Республика сӗнекен тӗрлӗ программăсемпе усă курма пулать. Укçа парса утă илни, паллах, сӗт хакне çырлахтарсах каймасть. Çавӑнпа та пуль ӗнтӗ ытлах усрасшӑн та мар ӗне тавраш. Çук çав, ялта пурӑнса ӗçлекенсене нихӑçан та çӑмӑл пулман. Тупӑшне мар, ытларах тăкакне куратăн.
