News by date 29 July 2025

29 июля 2025
Чăваш юманӗшӗн сасăлар

«Раççейри çулталăк йывăçӗ» конкурса пурӗ çӗршыври 70 йывăç хутшăнать. Вӗсен хушшинче Чăваш Енри Çӗмӗрле паркӗнче ӳсекен 250 çулти юман. Унăн çӳллӗшӗ – 26 метр çурă.
29 июля 2025
Пушкăртстанри чăвашсем улах ирттернӗ

Аваллăха упрас, тăван халăхăн йăли-йӗркине тытса пырас тӗллевпе Çтерлӗри чăваш наципе культура автономийӗ (ертӳçи – Оксана Федорова) июльӗн 24-мӗшӗнче Ю.Гагарин ячӗллӗ паркра «Беҙ Бергә – Мы вместе!» Креативный кластер» проект шайӗнче «Аулак-улах» чăваш наци каçӗ ирттернине «Урал сасси» хаçат пӗлтерет.
29 июля 2025
Муниципалитетсем грант çӗнсе илме пултараççӗ

Пӗтӗм Раççейри «Лучшая муниципальная практика» конкурса заявкăсене августăн 1-мӗшӗччен йышăнаççӗ. Вăл хуласемпе районсене ертсе пырассинче чи лайăх идейăсене тупма пулăшать. Конкурс шайӗнче тӗрлӗ енсене пăхса тухаççӗ: çурт-йӗрпе коммуналлă хуçалăхпа строительствăран пуçласа социаллă сфера, транспорт тата инноваци технологийӗсене ӗçе кӗртесси таран.
29 июля 2025
Байкалта чăваш тумӗсемпе паллаштарнă

Июнӗн 25 – 27-мӗшӗсенче Иркутск облаçӗнчи «Тальцы» архитектурăпа этнографи музейӗнче Халăхсен хушшинчи XVII «Этноподиум на Байкале. «Модная Ангара» фестиваль иртнӗ. Ун шайӗнче курма килекенсем «Атăлпирĕн» («Поволжские мотивы») коллекципе паллашнă.
29 июля 2025
«УРАМ» экстрим-паркăн команди республикăри 12 хулана çитет

ТР Çамрăксен ӗçӗсен министерстви тата «Татнефть» ыркăмăллăх фончӗ тӗрев панипе ТР Раисӗ Рустам Минниханов пуçарса янă «Лето в Татарстане» тата «Молодежь и дети» проектсем шайӗнче «УРАМ» экстрим-парк команди республикипе çулçӳреве тухнă. Тур июлӗн 25-мӗшӗнче пуçланнă. Команда Тутарстанри 12 района çитет.