Байкалта чăваш тумӗсемпе паллаштарнă
Июнӗн 25 – 27-мӗшӗсенче Иркутск облаçӗнчи «Тальцы» архитектурăпа этнографи музейӗнче Халăхсен хушшинчи XVII «Этноподиум на Байкале. «Модная Ангара» фестиваль иртнӗ. Ун шайӗнче курма килекенсем «Атăлпирĕн» («Поволжские мотивы») коллекципе паллашнă.
Чăваш тумӗсен коллекцине Иркутск тăрăхӗнчи чăвашсен наципе культура автономийӗ «ЮЛТАШ» общество организацийӗ ыйтнипе Чăваш Республикин «Паха тӗрӗ» фабрика тата Иркутск ăсти Татьяна Бочкарева хатӗрленӗ.
Коллекцире пуçа тăхăнмалли хатӗрсемпе капăрлăхсене уйрăм тимлӗх уйăрнă. Авалхи сурпансене Зима районӗнче пурăнакан чăваш ăсти Надежда Фидикова юсаса çӗнетнӗ.
ЧНКА «Юлташ» телеграмм-каналӗнчен илнӗ сăнӳкерчӗксем.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев