News by tag - чуваши России
-
Владимир Бабайкина Чăнлă район ертӳçине суйланă
Ульяновск облаçӗнчи Чăнлă муниципаллă районӗн çӗнӗ пуçлăх. Вырăнти депутатсен канашӗ пӗр саслăн çак должноçа Владимир Бабайкина суйланă. Владимир Петрович — пирӗн ентеш, Пăва районӗнчи Альших чăвашӗ. Ертӳçӗ опычӗ унăн пысăк, Тутарстанри Пăва, Ульяновск облаçӗнчи Чартаклă районӗсен администрацийӗсенче ӗçленӗ. Обществăлла ӗç хастарӗ, хальхи вăхăтра Ульяновск облаçӗнчи Чăваш наципе культура автономине ертсе пырать.
-
Валериан Гаврилова саламлатпăр!
«Сувар» хаçатăн çывăх тусне, Санкт-Петербургри тата Ленинград облаçӗнчи Чăваш наципе культура автономийӗн ертӳçине, Раççейри чăвашсен федераллă автономийӗн пайташне Валериан Гаврилова «ЧР культурăн тава тивӗçлӗ ӗçченӗ» хисеплӗ ята тивӗçнӗ ятпа ăшшăн саламлатпăр! Малалла та тăван чӗлхепе культурăна сыхласа хăварас, аталантарас ӗçре пысăк çитӗнӳсем тума ăнăçу сунатпăр!