News by date 26 November 2025
-
Центр ӗçӗ – халăх эткерне упрасси, аталантарасси
«Раççей Федерацийӗн 2025 çулхи халӑх пултарулӑхӗн Чи лайӑх çурчӗ (центрӗ)» ятпа ирттернӗ Пӗтӗм Раççейри смотр-конкурс çӗнтерӳçисене ноябрӗн 25-мӗшӗнче Мускавра чысланă.
-
Паян Хусанта шкул ачисен вулавӗ иртет
Хусан хулинчи 180-мӗш номерлӗ нумай чӗлхе вӗрентекен гимназире ҫулленхи Раҫҫейри халӑхсен чӗлхисемпе шкул ачисен наукӑпа практика конференцийӗпе вулавӗ иртет.
-
«Таса ăру – 2025» Пӗтӗм Раççей акцийӗ иртрӗ
«Таса ăру – 2025» Пӗтӗм Раççей акцийӗ кăçал та икӗ тапхăрпа пулчӗ. Пӗрремӗшӗ март уйăхӗн 10–19-мӗшӗсенче, иккӗмӗшӗ – ноябрӗн 13 – 21-мӗшӗсенче иртрӗ
-
«Паянхи кун паттăрӗсем» обществăлла наградăна кăçал 70 çын тивӗçрӗ
Кулленхи пурнăçра, вӗренӳре, наукăра паттăрлăх кăтартакансемпе пысăк çитӗнӳсем тăвакансене «Паянхи кун паттăрӗсем» обществăлла наградăпа Тутарстанра 2013 çултанпа чыслаççӗ. Кăçал ăна 7 çултан пуçласа 85 çула çитичченхи 70 çын тивӗçрӗ. Вӗсен паттăрлăхне «Гуманитари пулăшăвӗ», «Юный Герой», «Герой нашего времени» тата «Доброволец Татарстана» номинацисемпе палăртрӗç. Çаплах СВО паттăрӗсене те чысларӗç
-
Нумай ачаллă çемьесене Тутарстанра 54 пин ытла çӗр лаптăкӗ уйăрнă
Республикăра виçӗ е ытларах ача ӳстерекен çемьесене çӗр лаптăкӗсемпе тивӗçтерес ӗç малалла пырать.
-
Георгий Васильевич Тал-Мăрса çуралнăранпа 130 çул
Георгий Васильевич Тал-Мăрса (Зайцев) ячӗ чăваш литературине ӗмӗрлӗхех кӗрсе юлнă. Ӗмӗрӗ кӗске пулсан та чăваш литературине чаплă хайлавсемпе пуянлатнă вăл. Пултаруллă сăвăç, прозаик, драматург, театр ӗçченӗ, журналист пысăк пахалăхлă илемлӗ хайлавсем çырса хăварнă. Тăван литературăна çӗнӗ жанрсемпе, темăсемпе пуянлатнă. Вăл çырнă «Кам айăплă?» пьеса театр сцени çинче лартнă пӗрремӗш чăваш спектаклӗ пулнă. Çавăн пекех вăл пейзаж, юрату, философилле, гражданла лирика тӗслӗхӗсене тӳр килекен сăвăсем çырнă. Сăвă йӗркисенче харпăр ыратăвӗпе савăнăçне çеç мар, ку чухнехи саманан, халăхăн проблемисене палăртма пултарнă. Г.Тал-Мăрсан пултарулăх тӳпи уйрăмах историлле драмăсенче курăнать. Вăл Хусанти Историпе археологи институтӗнче вӗреннӗ вăхăтра чăваш халăхӗн кун-çулне çутатса паракан пилӗк драма çырнă.
-
Чӑваш тӗрри кунӗ ячӗпе саламлатпăр!
Паян, ноябрь уйăхĕн 26-мĕшĕнче Чăваш Ен Пуçлăхĕ Олег Николаев хушăвĕпе килӗшӳллӗн Чăваш тĕрри кунне паллă тăватпăр. Çак кун тĕрĕ ăсталăхне аталантарассишĕн, çак пуянлăха анлăрах сарма, йăла-йĕркене упраса хăварма, ламран лама пама тăрăшнă тĕрĕ ăсти Екатерина Ефремова кун çуралнă.
