Паян, ноябрь уйăхĕн 26-мĕшĕнче Чăваш Ен Пуçлăхĕ Олег Николаев хушăвĕпе килӗшӳллӗн Чăваш тĕрри кунне паллă тăватпăр. Çак кун тĕрĕ ăсталăхне аталантарассишĕн, çак пуянлăха анлăрах сарма, йăла-йĕркене упраса хăварма, ламран лама пама тăрăшнă тĕрĕ ăсти Екатерина Ефремова кун çуралнă.
Хаклă туссем, сире Анатолий Абрамовăн «Тĕрĕ» сăввипе паллаштаратпăр.
Тĕрĕ
Чӑвашра пур виҫӗ Улӑп:
Юрӑ, Тӗрӗ те Сӑмах.
Вӗсемпе хӑватлӑ пулӑп,
Вӗсемех - мерчен-ахах!
Хусанкай пире шантарнӑ:
Вӗсем чупӗҫ малаллах!
Калӑн, тӳперен пуль аннӑ,
Пурлӑха упрамаллах!
Манӑн Асанне тӗрленӗ,
Тӗр-тӗрленӗ аппасем!
Халӑх шаннӑ та ӗненнӗ:
Ҫунатлаччӗр тӗрӗсем!
Сӳс хӳреллӗ тимӗр йытӑ
Кӗтӗр-тухтӑр ӗмӗрех!
Савӑнатпӑр питӗ хытӑ,
Тӗрлӗ пултӑр чӗререх!
Анатолий АБРАМОВ.
Шупашкар хули.
Нет комментариев