Ҫӗнӗ йышши хальхи оборудовани пирӗн техникумсенче юлать

Тутарстан Республики WorldSkills юхӑма хутшӑнни колледжсен материалпа техника базине самай ҫӗнетме май пачӗ
WorldSkills Kazan 2019 тӗнче чемпионачӗ хыҫҫӑн юлнӑ оборудованирен чылайӑшне (850 млн тенкӗлӗх) республикӑри колледжсемпе техникумсене параҫҫӗ.
"Раҫҫейри Worldskills ҫак кунсенче оборудованине парассине ырланӑ. Ӑна юхӑма аталантарас тата хутшӑнакансене хатӗрлес тӗллевпе кӑна усӑ курмалла. Колледжсем ӑна упрассишӗн яваплӑ пулаҫҫӗ", – тесе пӗлтернӗ ТР Вӗрентӳ министрӗн пӗрремӗш ҫумӗ Андрей Поминов.
Пандемия вӗҫленнӗ хыҫҫӑн оборудованин пӗр пайне" Хусан Экспори" WorldSkills-ӑн ресурс центрне вырнаҫтарӗҫ. Аса илтеретпӗр, 2016 - 2020 ҫулсенче WorldSkills енӗпе колледжсен материаллӑ никӗсӗсене 1,3 млрд тенкӗ укҫа хывнӑ.