Тутарстанри 43 пульницан профильне вӑхӑтлӑха улӑштарма тивнӗ
Ҫӗнӗ коронавирус инфекцийӗллӗ чирлисене Тутарстанра 16 пин медицина ӗҫченӗ сиплет. Ҫакӑн ҫинчен ТР сывлӑх сыхлав министрӗ Марат Садыков ведомствон коллегийӗнче пӗлтернӗ.
"Covid-19 диагнозлӑ пациентсене медицина пулӑшӑвӗ кӳме 15 пин те 842 медицина ӗҫченне явапланӑ, вӗсенчен 8 пин те 617 медик госпитальсен ӗҫне йӗркелет." Васкавлӑ пулӑшу" машинисен 341 водителӗ кунсерен вызовсене тухса ҫӳрет, – палӑртнӑ министр.
Ун сӑмахӗсемпе, ӗҫе координацилеме республикӑна пилӗк округа пайланӑ, 43 медицина организацийӗн профильне вӑхӑтлӑха улӑштарнӑ.
Пурӗ чирлисем валли 4723 инфекци койки хатӗрленӗ.
Нет комментариев