News by date 11 November 2025

11 ноября 2025
Ноябрӗн 10-12-мӗшӗсенче Анат Камăра «ТехноПатриот» беспилотниксене çӳретессипе ăмăрту иртет

Ăмăртăва республикăри тӗп шкулсенче, профессилле вăтам пӗлӳ паракан учрежденисенче тата аслă шкулсенче вӗренекен 16-18 çулсенчи çамрăксем хутшăнаççӗ. Кашни командăра 3-шер çын (2 вӗренекен тата 1 педагог, куратор). Ăмăртура пӗтӗмпе 20 команда (Анат Кама, Элмет, Алексеевски, Пӗкӗлме, Пăва, Елабуга, Тюлячи, Мӗслӗм, Çӗнӗ Шуçăм, Çырчалли, Чистай).
11 ноября 2025
Чăваш Паснапуç ачисем тӗрлеме вӗрентеççӗ

Çӗпрел районӗнчи Чăваш Паснапуç пуçламăш шкул – ача сачӗн пӗчӗк тӗрӗçисем «Бэз берге» халăх пултарулăхӗн ача-пăча конкурсӗн финалӗнче палăрчӗç. Ноябрӗн 5-мӗшӗнче Хусанти 107-мӗш гимназире иртнӗ финала хальхинче районти Кӗçӗн Чăнлă шкулӗпе пӗрле чăваш тата тутар халăхӗсен туслăхне кăтартакан ал ӗçӗсен пӗрлехи курав экспозицийӗпе хутшăнчӗç кăна мар, «Чи лайăх курав экспозицийӗ» номинацире 2-мӗш вырăн йышăнчӗç. Аса илтеретпӗр, малтан район, унтан зона тапхăрӗсене ăнăçлă хутшăнса финала тухнă вӗсем.
11 ноября 2025
Рустам Минниханов: «Казахстанăн патшалăх пуçлăхӗ килни пирӗн çӗршывсем географи тӗлӗшӗнчен те, ӑс-хакӑл енчен те пӗр-пӗрне çывӑх пулнине кăтартать»

Рустам Минниханов Казахстан компанийӗсем Раççей экономикине инвестици хывнине, нумайăшӗшӗн Тутарстан Раççей рынокне тухмалли площадка пулнине асăнса хăварнă.
11 ноября 2025
Хусан Кремлӗнче Владимир Акимовăн ӗçӗсен куравӗ уçăлать

Тутарстан Республикин тата Раççейӗн ӳнер искусствине пысăк хулăм кӗртнӗ паллă художникăн Владимир Акимовăн картинисен куравӗ ноябрӗн 14-мӗшӗнче «Хазинэ» ТР Наци ӳнер галерейинче 16.00 сехетре ӗçлеме пуçлать.
11 ноября 2025
Тутарстанра çар хӗсмечӗн никӗсне вӗрентекен сборсем иртеççӗ

ТР Министрсен Кабинечӗ 2025-2026 вӗренӳ çулӗнче шкулсенче аслă классенче тата колледжсенче вӗренекенсемшӗн «Хăрушсăрлăхпа Тăван çӗршыва хӳтӗлессин никӗсӗсем» предмет шайӗнче вӗренӳ сборӗсене йӗркелесе ирттересси пирки йышăну тунă.
11 ноября 2025
Кофе, чей, шыв. Сывлӑхшӑн усăллă пултăр тесен мӗн чухлӗ ӗçмелле?

Кунне ҫичӗ-сакӑр курка кофе, чей тата шыв ӗҫни чӗрепе юн тымарӗсен тата онкологи чирӗсем аталанассине чакарат.