News by date 6 February 2026

06 февраля 2026
Черетлӗ гумконвой çула тухрӗ

Çӗпрел районӗнче пурăнакан çар ветеранӗпе Ирек Яфизовпа Фарида Хайруллова тăванӗсемпе пӗрле СВОри салтаксем валли черетлӗ гуманитари пулăшăвӗ пачӗç.
06 февраля 2026
Çӗрулми – тар-тар соуспа

Çӗрулмине шуратса малтан тăватшар пай çине касмалла, унтан кашнине тата икшер пая уйăрмалла. Лайăх çумалла та дуршлаг çине хурса шывне сăрхăнтармалла.
06 февраля 2026
Санкт-Петербург чăвашӗсем Петӗр Хусанкайăн кун-çулне тӗпчеççӗ

Ленинград облаçӗн Туслăх Çуртӗнче нумай пулмасть чăваш халăх поэчӗ Петӗр Хусанкай çуралнăранпа 119 çул çитнине тата Раççейре Халăхсен пӗрлӗхӗн çулталăкӗ пулнине халалласа çавра сӗтел иртрӗ. Ăна Раççейри Чăвашсен федераллă наципе культура автономийӗн «Хамăр паттăрсемпе мăнаçланатпăр» проекчӗ шайӗнче йӗркеленӗ.
06 февраля 2026
Кăштах кулăш

– Вăт эсрел! – сасартăк кăшкăрать арăмӗ тӗпелтен. Вӗçкӗн Ваççа кушакне: – Мӗнле шутлатăн, эс сӗтел çинчи кăлпассие çисе янине курчӗ-ши е эпӗ пушатнă кӗленчене асăрхарӗ?..
06 февраля 2026
Вăтам шкул валли çӗнӗ стандартсем вăя кӗрӗç

РФ Çутӗç министерствин канашӗ вăтам шкул валли (5-9-мӗш классем) çӗнӗ федераллă патшалăх вӗрентӗвӗн федераллă стандарчӗсем (ФГОС) проектне ырланă. Практика-ориентациллӗ вӗрентӳ валли хатӗрленӗ çӗнетнӗ нормăсем 2027 çулхи сентябрӗн 1-мӗшӗнчен ӗçлеме пуçлаççӗ. Кун пирки РИА Новости пӗлтерет.
06 февраля 2026
Мӗншӗн Самара каччисем Пилотсăр системăсен çарне Тутарстанран каясшăн?

Самара каччисем Олегпа Илья мӗн ачаран туслă, малтан шкулта, кайран техникумра пӗрле вӗреннӗ. Çарта та пӗр расчетрах служба иртесшӗн. Пилотсăр системăсен çарне каймашкăн контракта мӗншӗн хăйсем патӗнче мар, Тутарстанра çырни пирки каласа пачӗç.
06 февраля 2026
А.Александров Чăваш Ен Пуçлăхӗпе иртнӗ пресс-конференцире чăваш чӗлхин пуласлăхӗ çинчен ыйту çӗкленӗ

Ӗнер Чăваш Ен Пуçлăхӗ Олег Николаев МХХ представителӗсемпе тӗл пулнă. Тӗл пулăва паллă фольклорист, теле-радио журналист, блогер Алексей Александров та хутшăннă, нумайăшӗ Элтияр ятпа пӗлеççӗ ăна. Олег Николаева вăл хальхи вăхăтра пӗтӗм чăваша пăшăрхантаракан ыйту панă . Чӑваш чӗлхине тарӑннӑн тата тӗплӗн вӗрентекен шкул пулать-ши республикăра? Кун пирки Элтияр «ВКонтрактри» хăйӗн страницинче пост кăларнă, унпа паллашма сӗнетпӗр.