News by tag - буинские чуваши

27 июля 2025
Çамрăк ăру йышӗнчен те ун историйӗпе интересленекенсем пуласса шанасах килет

Тăван ял, тăван тавралăх…Аякра-и эсӗ, çывăх-и, яланах асра, чуна ăшăтса тăратăн, вăй-хăват паратăн. Ялта çуралса ӳснӗ çынна, паллах, çутçанталăк ырлăхӗсем яланах çывăх тăраççӗ. Ку енӗпе элшелсене ăннă çав. Вăрман тăрăхӗсем, кӳлӗ-пӗвесем, Сӳнтӗкпе Пушчă ялӗсен енче Сӗве тăрăх тăсăлакан сăрт-тусем… Çула тухма йыхăракан пуйăс шавӗ... Инçе çӗрте çӳренӗ чухне танлаштарса та пăхатăн – пирӗн патра çапларах тетӗн. «Çав çапларах» тенинче яланах тăван ял сăнарӗ тухса тăрать. Тăван ялта эпир çитӗннӗ, кунта пирӗн кил, кунта эпир ачалăхпа яшлăх кунӗсене ирттернӗ. Тăван ялта пирӗн атте-анне, тăвансем, юлташсем… Ӗмӗрлӗх тӗнчинче асатте-асаннесем, кукаçей-кукамайсем, çывăх çынсем…
26 июля 2025
Фольклор ăрусене, халăхсене пӗрлештер

Фольклорăн пӗрлехи кунӗ июлӗн 17-мӗшӗнче Хусанти А.С.Пушкин ячӗллӗ Культура центрӗнче иртрӗ. Ăна Аслă Çӗнтерӳ 80 çул тултарнине, В.Д.Поленов çурчӗн 110 çулхи юбилейне халалланă. Уява йӗркелекенӗсем – ТР Культура министерстви, «Таткультресурсцентр» Патшалăхăн бюджетлă учрежденийӗ тата республика районӗсенчи культура уйрăмӗсем, культура аталанăвӗн центрӗсем (ЦКР) пулчӗç. «Национальное достояние» этнокультурăн пурлăхпа çыхăнман пуянлăхне кăтартассипе иртнӗ республика конкурсне пӗтӗмлетнӗ çӗрте «Таткультресурсцентрăн» ертӳçи Алсу Мифтахова уявпа саламласа сăмах каларӗ. ТР культура министрӗн пӗрремӗш çумӗ Юлия Адгамова та мероприятие хутшăнакансене саламларӗ.
12 июля 2025
Мухтавлă ентешӗмӗр 2005 çултанпа лайăх вӗренекен ачасем валли Шупашкарта экскурсисем йӗркелет

Тăван шкул кашни çыншăн хаклă. Вăл пӗлӳ çăлкуçӗ кăна мар, çамрăксене аслă çул çине тухма пулăшакан çутă маяк та. Çулсем иртсен те хăй патне туртать, мӗншӗн тесен кунти чи кăсăк та савăнăçлă асаилӳсем чӗрере тарăн йӗр хăварнă.
05 июня 2025
Хисеплӗ çыравçă, поэт тата таврапӗлӳçӗ Анатолий Малышев паян 85 çул тултарать

Анатолий Меркурьевич Малышевăн çуралнă çӗршывӗ – Тăхăрьял. Вăл çакăнти Пӳркел ялӗнче 1940 çулта тӗнчене килнӗ. «Вăрçă ачи» çамрăклах сăвă тӗнчипе туслашнă. Пуçласа паллашнă чӗрӗ сăвăçă – Валентин Урташ. Хăйӗн хăтланăвӗпе, сăввисемпе çамрăкăн тӗнчекурăмне тӗпрен улăштарса янă вăл. Çав çулсенче çуралаççӗ те ӗнтӗ Анатолин пӗрремӗш сăввисем. Анчах пичетшӗн мар, юлташӗсемшӗн, тусӗсемшӗн.
04 марта 2025
Вӗсемшӗн хавхалану çăлкуçӗ – Тăхăрьял тавралăхӗ, халăхӗ, тăван чӗлхе илемӗ...

«Кашлатăр Иванов вăрманӗ!..» Чăваш халăх поэчӗ Ухсай Яккăвӗ çапла каланă. Вăл Пушкăртстанри Пелепей районӗнчи Слакпуçӗнче çуралса ӳснӗ, кунта сипетлӗ вăй илнӗ, чăваш поэзийӗнче юратнă пиччӗш –Константин Иванов – пекех вилӗмсӗр йӗр хăварнă. Çулсем иртнӗçемӗн çав сăмахсен асамлăхне ытларах та ытларах та ăнланса пыратăп пек. Вăрманӗ кунта – поэзи ӗнтӗ, сăвă-поэма вара сăмах ӳнерӗнче чи малта. Тем каласан та, поэзи чăваш литературинче ытти жанрсен ретӗнче чаплăрах та, сумлăрах та курăнать. Писательсенчен ытларахăшӗ, тен, пурте тенӗ пекех, çырас ăсталăха сăвă хайлассинчен пуçланă.
29 января 2023
РАЙОН СУМӖ, ЧĂН БРЕНД

Январӗн 20-мӗшӗнче Пăвари Культура çуртӗнче «Уяв» чăваш фольклор ансамблӗ 10 çул тултарнине паллă турӗ
13 августа 2022
Ескульсем хăйсен вăйӗпе часавай тунă

– Аннене те, аттене те Ескулӗнче пытартăмăр. Ăçта кӗлтутарас ыйту сиксе тухсан шăтăк чавакансем Ульяновскран яла килекен трасса хӗрринчи хуть хăш масар çинчи часавайра та тума пулать терӗç. Ун чух кун пирки шухăшлама вăй-хал та пулмарӗ. Каярах, хамăр çине йăтăнса аннă хуйхă кăшт пусăрăнсан пуçа шухăш пырса кӗчӗ: мӗншӗн çавнашкал часавай хамăр ялта çук-ха?
02 мая 2021
Кивӗ Пăрăнтăкра Иван Яковлевăн асăну хăмине уçрӗç

Апрелӗн 25-мӗшӗнче Кивӗ Пăрăнтăк ялӗнче И.Я.Яковлевăн асăну хăмине уçрӗç. Каласа хăвармалла: Иван Яковлевăн ачалăхӗ кунта иртнӗ, ăс-тăн çак ялта пухнă вăл. Пăва районӗнчи ЧНКЦ пайташӗсем 20 çул каяллах шутланă асăну хăми пирки, кăçал ЧНКЦ ертӳçи çак ӗçе вӗçне çитерчӗ.