News by tag - Буинский район
-
Сăваплă ӗçе хутшăннисене пурне те тав!
Пăва районӗнчи Ескуль пысăк ял мар. Унта куллен пурăнакансем те шутлă кăна, нумайăшӗ хулана куçса кайнă. Çапах та çулла Ескуле чун кӗрет тейӗн – çак ялта çуралса ӳснисем тăван яла çу каçма килеççӗ. Пушă пӳртсем аслисемпе ача-пăча сассипе тулаççӗ – пурнăç кӗрлесе тăрать кунта çулла. Ял халăхӗ питӗ туслă пурăнать Ескульте.
-
«Тăхăрьял» альманахăн 20-мӗш номерӗ кун çути курчӗ
Халăхсен хушшинчи Тăван чӗлхе кунӗнче Пӳркел ял библиотекинче «Тăхăрьял» альманаха хăтларӗç. Нумай пулмасть унăн 20-мӗш номерӗ кун çути курчӗ. Библиотекăра ăна 1992 çултах кăларма тытăннă. Виçӗ чӗлхепе тухаканскере çыравçăсен юбилейӗсене, ытти паллă пулăмсене халаллаççӗ.
-
Пăва районӗнчи Ескӳлӗнче часавая светить тунă
– Хамăрăн савăнăçа «Сувар» хаçата вулакансемпе те пайлас килет – часавая иртнӗ вырсарникун светить тутартăмăр! Ӗçе пуçăниччен Пăва хулинчи храмăн настоятелӗ Иоанн атте пире: «Пуçланă ӗçе вӗçне çитермелле», – тенӗччӗ. Халӗ вара светить тунă чух: «Кун пек илеме тимлӗхсӗр тăратмалла мар», – терӗ.