News by tag - писатели РТ

18 апреля 2026
Петр Захаровăн кӗнекине тăванӗсем кăларчӗç

Петр Захаров шкулта вӗреннӗ чухнех сăвăсем çырма пуçланă. Хайлавӗсем Аксу районӗнчи «Ял пурнăçӗ», Нурлат районӗнчи «Туслăх» тата республикăри чăвашсен «Сувар» хаçачӗсенче пичетленнӗ. 2000-мӗш çулсенче Петр Андреевич уйрăмах нумай çырнă. Пӗрин хыççăн тепри сăвă кӗнекисем тухнă. 2007 çулта Петр Захаровăн пӗрремӗш «Чӗрере шăраннă йӗркесем» кӗнеки кун çути курнă. Ун хыççăн «Чӗре юрланă чух» (2009), «Юхать Сӗнче» (2011), «Юратуллă самантсем» (2014) кӗнекисем тухнă пултаруллă поэтăн.
14 февраля 2026
Чӑваш халӑх поэчӗн Порфирий Афанасьевӑн чӗри ӗмӗрлӗхех тапма чарӑнчӗ

Порфирий Васильевич нумай вӑхӑт чирлесе тӑнӑ хыҫҫӑн паян пурнӑҫран уйрӑлса кайрӗ. Хӑй хыҫҫӑн вӑл тӗлӗнмелле пуян, тӑван ҫӗршыв, тӑван кӗтес, ҫывӑх ҫыннисемпе тусӗсем патне ҫепӗҫ юратупа тулли поэзи тӗнчи хӑварчӗ. Ӳлӗм ун чунӗ хӑй йӗркеленӗ юрату ҫӗршывӗнче пурӑнӗ..
27 октября 2025
Пӳркелӗнче Мӗтри Юман çуралнăранпа 140 çул çитнине паллă турӗç

Октябрӗн 24-мӗшӗнче Пăва районӗнчи Пӳркел ялӗн Культура çуртӗнче Мӗтри Юман çыравçӑ çуралнăранпа 140 çул çитнине халалланă асӑну мероприятийӗ иртрӗ. Ку уява хатӗрлекенӗ тата ертсе пыраканӗ Елена Анатольевна Малышева-Хлынова библиотекарь пулчӗ. Мероприятие шкул ачисемпе вӗрентекенсем, ял-йыш, районти чӑваш çыравçисемпе таврапӗлӳçисем, ЧНКЦ пайташӗсем хутшăнчӗç.
11 июля 2025
Йытă аслашшӗ

Аллă çулалла çывхарнăçемӗн аслă ачасем çунатлана пуçларӗç. Хӗр Мускавра ӗçлеме тытăнчӗ, ывăл салтакран таврăнсан хамăр хуларах пурăнать, анчах пирӗнпе пӗрле мар, уйрăм хваттерте. Çемйисем иккӗшӗн те çук-ха хальлӗхе, апла пулсан «асатте» е «кукаçей» тесе калакан часах пулмасть пек-ха мана. Ку пӗр енчен савăнтарать те, тепӗр енчен... темле, кунсем хăвăртрах шунине сисе пуçларăм.
19 мая 2025
Евгений Турхан – тӗрлӗ енлӗ пултаруллă çын

«Сувар» хаçата куллен вулакансем Евгений Турхана аван пӗлеççӗ: вăл хаçат тухма пуçласан редакцире те нумай çул тăрăшнă, тивӗçлӗ канăва тухсан та «Сувара» статьясем, сăвă-калав, шӳтсем çырсах тăрать. Хаçат çумӗнче 1994 çулта «Сунтал» литпӗрлешӗве те вăлах йӗркеленӗ, улшăнми ертсе пырать. Тӗрлӗ енлӗ пултаруллă çын Евгений Андреевич.
22 июня 2024
«Шурăмпуç» пичетленсе тухрĕ

Иртнӗ эрнере ‎Шупашкарти «Новое время» типографире Тутарстанри чăваш çыравçисен «Шурăмпуç» литература кăларăмӗ пичетленсе тухрӗ. Шучӗпе вăл 9-мӗш пулса тăчӗ.
24 апреля 2022
Николай ЗИМИН: «КАНĂÇ МӖННЕ ПӖЛМЕСТПӖР ЭПИР...»

Пăва районӗнчи Тăхăрьял тăрăхӗнче çуралнă тата тӗпленнӗ Николай Трофимович Зимина вулакансем лайăх пӗлеççӗ. Унăн çивӗч статйисемпе тӗрленчӗкӗсем, чуна тыткăнлакан сăввисемпе поэмисем, сайрарах пичетленсен те, нумайăшне тарăн шухăша яраççӗ. Апла пулсан вăл, сакăр теçетке урлă каçсан та, каспа ял-йыша кăна мар, çӗр-çӗр е пин-пин вулакана хăйӗн шăхăшлавӗ, ăнтăлăвӗ, тӗнчекурăмӗ пирки пӗлтерме тăрăшать. Унăн Шупашкарта тухнă «Пӗтӗм кăмăлтан» кӗнекине, тӗрлӗ хаçат-журналсенче пичетленекен сăвви-поэмисене халăх ырласа йышăнать. Шăпах çакна шута илсе Тутарстанра тата кӳршӗллӗ Чăваш Енпе Чӗмпӗр тăрăхӗнче кăна мар пысăк сум çӗнсе илнӗ «вӗрентекенсен вӗрентекенне» тӳрӗ калаçăва чӗнтӗмӗр.