Çăварни эрни пуçланчӗ
Çăварнин малтанхи вырсарникунне Аслă Çăварни тенĕ, ун хыççăнхи тунтикунпа ытларикуна та Аслă Çăварни шутне кĕнĕ. Çăварни эрнин юлашки вырсарникунне Кĕçĕн Çăварни тенĕ, ун умĕнхи эрнекунпа шăматкун та Кĕçĕн Çăварни шутне кĕрет. Çăварни эрнин кашни кунӗн хăйӗн ячӗ тата хăйӗн йăли пур, анчах унăн яланхи атрибучӗсем – икерчӗ, халăх вăййи, çунапа ярăнасси. Эрне тăршшӗпе кил хуçи хӗрарăмӗсем тăвансемпе çывăх çынсем валли икерчӗ пӗçереççӗ.
