Чăвашшупашкарсем «Моңлы тамчы» – «Звонкая капель» республика фестивальне хутшăнчӗç

Çӗнӗ Шуçăм районӗнчи Чăваш Шупашкар ялӗн Культура çурчӗ çумӗнчи «Çӗнӗ Шуçăм» ача-пăча коллективӗ суйлав турӗ урлă ăнăçлă иртсе Ешӗлвар районӗнчи «Мирас-Наследие» лагерьте иртнӗ XIV «Моңлы тамчы» – «Звонкая капель» Ача-пăча фольклор коллективӗсен республика фестивалӗн финалне хутшăнчӗ. 

Асăннă фестивале ТР Культура министерстви Татресурсцентрпа пӗрле йӗркеленӗ. Виçӗ кун хушши – сентябрӗн 24 – 26-мӗшӗсенче – республикăн районӗсенчен пуçтарăннă ачасем тӗрлӗ интереслӗ мероприятисене хутшăнчӗç. Татресурсцентр специалисчӗсем вӗсем валли ăс-хакăл программисем, мастер-классем, халăх вăййисем, флешмобсем, квестсем, каçсерен вара этнодискотекăсем хатӗрленӗ. 

Паллах ӗнтӗ фестивальти чи асра юлмалла самант вăл – гала-концерт. Унта республикăри чи пултаруллă ача-пăча фольк­лор коллективӗсем хутшăнчӗç. «Çӗнӗ Шуçăм» ача-пăча ушкăнӗн (ертӳçи Сергей Владимирович Моляков) солисткисем Дарина Молякова, Ольга Сидорова, Мария Николаева, Ангелина Молякова тата Анна Сидорова «Асаннепе кукамай» юрра илемлӗн шăрантарчӗç. 

«Çӗнӗ Шуçăм» коллектив «Моңлы тамчы» – «Звонкая капель» фестивальте лауреат ятне тивӗçрӗ, ушкăн ертӳçине Сергей Молякова вара Тав хучӗпе чысларӗç.

С.Моляков сăнӳкерчӗкӗсем.