News by date 30 September 2026

30 сентября 2026
Хусанта СНГ прокурорӗсем ют çӗршывран активсене тавăрассипе çыхăннă ыйтусене сӳтсе яврӗç

Ирӗклӗ Патшалăхсен Пӗрлӗхӗн генеральнăй прокурорӗсен координаци канашӗн 36-мӗш ларăвӗ Хусан Ратушинче пулчӗ. Ларура ют çӗршывсенчен активсене тавăрассипе çыхăннă ыйтусене сӳтсе яврӗç.
30 сентября 2026
Иран культурин кунӗсем иртеççӗ

Сентябрӗн 30-мӗшӗнче Тутарстанăн тӗп хулинче Иран культурин кунӗсем пуçланчӗç. «Ислам тӗнчин культура тӗп хули» статуслă Хусан анлă культура проекчӗн тӗп площадкисенчен пӗри пулса тăчӗ. Культура кунӗсем шайӗнчеИранăн Наци оркестрӗн концерчӗ, Иран киновӗн эрни, халăх ӳнер промыслисен ӗçӗсен куравӗ тата Иран ăстисен мастер-класӗсем иртеççӗ. Çакăн пирки журналистсене «Татар-информ» агентствăра иртнӗ пресс-конференцире каласа пачӗç.
30 сентября 2026
Хусанта Иран киновӗн фестивалӗ пуçланать

Искусство çӗршывсен хутшăнăвӗсенчи черчен дипломат. Ӳнер чӗлхипе вăл халăхсен культурисен, чӗлхисен кирлӗлӗхӗпе пӗлтерӗшне, аталанма кашнин пӗр пек ирӗк пуррине çитерет. Кино искусстви кунта хăйне уйрăм вырăн йышăнать. Пӗрремӗшӗнчен, чи анлă сарăлнипе, иккӗмӗшӗнчен чӗлхи пуриншӗн те ăнланмалла пулнипе, виççӗмӗшӗнчен кино курма пурте юратаççӗ. Çӗршывсен хутшăнăвӗсенчи дипломати хатӗрӗсенчен пӗри пулса тăчӗ пулӗ çавăнпа. Час-час çӗршывсем хире-хирӗçле кино кунӗсем ирттереççӗ пӗр-пӗрин патӗнче. Çак кунсенче акă Иран киновӗсен фестивалӗ иртет Раççейре.
30 сентября 2026
Чăваш Енри Чăваш хӗрарăмӗсен союзӗ «Ман тăвансем» онлайн-акци ирттерет

Ял хӗрарăмӗсен кунӗ тӗлне халалланă ятарлă акци октябрӗн 1-мӗшӗнче пуçланса 15-мӗшӗччен пырать.
30 сентября 2026
Хутса ăшăтмалли сезон ырантан пуçланать

Октябрӗн 1-мӗшӗнчен Тутарстанра хутса ăшăтмалли сезон официаллă майпа пуçланать. Чи малтан социаллă объектсене — шкулсене, ача сачӗсемпе больницăсене ăшă ярӗç, каярах пурăнмалли çуртсене.
30 сентября 2026
Октябрӗн 7-мӗшӗнче Раççейӗпех пӗлтерӳ системине тӗрӗслеççӗ

Регионсенче пӗлтерӳ системисене тӗрӗслесси Раççейре çулталăкра икӗ хутчен иртет — çуркуннепе кӗркунне. «ВНИМАНИЕ ВСЕМ!» сигнал — халăха пӗлтерӗшлӗ информацие итлеме чӗнекен пӗрлехи сигнал. Ăна сиренăсем, громкоговорительсем урлă, телерадиовещанипе, транспорт тата ытти техника урлă пама пултараççӗ.
30 сентября 2026
Юратнă мăшăрне халалласа: Иван Павловăн çӗнӗ кӗнеки тухрӗ!

Нумаях пулмасть Нурлат районӗнчи Мамăк ялӗнче пурăнакан Иван Павлович Павловăн (Актайăн) Шупашкарти «Новое время» типографире çӗнӗ кӗнеки пичетленсе тухрӗ. Кӗнекене вырăсла тата чăвашла çырнă сăвăсемпе калавсем кӗнӗ. Ăна юратнă мăшăрӗ Зинаида Ивановна Павлова (Родионова) 80 çул тултарнине халалланă.
30 сентября 2026
День воссоединения Донбасса и Новороссии с Россией!

Поздравление Председателя Государственного Совета Республики Татарстан Ф.С. Абдулганиева с Днем воссоединения Донецкой Народной Республики, Луганской Народной Республики, Запорожской области и Херсонской области с Российской Федерацией.