News by date 22 January 2024

22 января 2024
Культура ӗçченӗсене пӗлсе тăма

Тутарстанри ял хутлăхӗсенчи муниципаллă культура учрежденийӗсемпе вӗсенче ӗçлекенсене хавхалантарма йӗркеленӗ конкурса хутшăнса укçан преми илме май пур
22 января 2024
«Хрустальный компас» наци премине илес текенсенчен заявкăсем кӗтеççӗ

«Хрустальный компас» наци премине илме заявкăсем йышăнма пуçланă. Кун пирки «Татмедиа» пичетпе массăлла коммуникацисен республика агентствин пресс-службăсемпе тата обществăпа çыхăну йӗркелессипе уйрăмӗ пӗлтерет. 2024 çулта наукăпа культура, экспедиципе çутӗç ӗçӗнчи, çутçанталăкпа тата историпе культура еткерне упрассипе популяризацилессинчи уникаллă проектсемпе пысăк çитӗнӳсем тунă çынсене пама йышăннă. Проектсем çӗршыв аталанăвӗшӗн, унăн ăс-хакăл пуянлăхӗшӗн пӗлтерӗшлӗ те усăллă пулмалла.
22 января 2024
Январӗн 19-20-мӗшӗсенче 1931 тата 1966 çулсенче те кун чухлӗ юр çуман

Виçӗ талăк пӗр чарăнми юр çунипе «Хусан — Университет» метеостанцинче юр çӳллӗшӗ 79 сантиметра çитнӗ. Ку нормăран икӗ хут нумайрах. Çакăн пирки «Татар-информ» Информаци агентствине Хусанти федераллă университетăн метеостанцийӗн заведующийӗ Сергей Дмитреев пӗлтернӗ.
22 января 2024
Тутарстанра тухтӑра пӗрлехи колл-центр урлӑ киле чӗнтерме пулать

Гриппа ОРВИ сезонĕ пулнă май ТР сывлах сывлав министерстви пĕрлехи колл-центр ĕçлени пирки аса илтерет. Ун урлă чирлесен поликлиникăран киле врача чӗнме май пур.
22 января 2024
Хусана юртан тасатма икӗ эрне кирлӗ-ха

Январӗн 17-22-мӗшӗсенчи пек вăйлă юр çуни республикăра 5 çул пулманччӗ. Виçӗ кун хушшинче кăна юр 49 мм чухлӗ, урăхла каласан пӗр уйăхри нормăн 106 проценчӗ чухлӗ çуса лартнă. Виçӗ кунра Хусан çулӗсем çинчен кăна 157,2 пин тонна юр тăкнă. Çул-йӗр службисен ӗçӗ малалла тăсăлать-ха.ТР Гидрометцентр çитес кунсенче юр çăвассине пӗлтермест пулсан та хулари урамсенчи çакăн чухлӗ юра йăлтах тасатма икӗ эрне кирлӗ-ха.
22 января 2024
Лавккасенчи пушаннă сентресене паян тултарма шантараççӗ

Вăйлă юр çуни суту-илӳ предприятийӗсен ӗçне те чăрмав кӳнӗ, пуринчен ытла кил çумӗнчи апат-çимӗç лавккисем шар курнă. Ӗнер, тӗслӗхрен, Хусанти лавккасенче халăх чăн малтан туянакан таварсен — сӗт-турăх, çăкăр, пахча çимӗç, улма-çырла тата ытти те — сентрисем пуш-пушăччӗ.
22 января 2024
Петр Мускатинов Санкт-Петербургри турнирта алă вăйӗ виçнине тӳрӗ эфирта кăтартаççӗ

Ентеше, Çӗпрел районӗнчи Аслă Аксу чăвашне, армрестлингпа спорт мастерне Петр Мускатинова çитес турнирта ăнăçу сунатпăр! Юлташсем, тӳрӗ эфир пăхма ан манăр!
22 января 2024
Эрнелӗх гороскоп

Ку эрнере çине-çинех ырă улшăнусем пулаççӗ. Пурнăç кунран кун лайăхрах, çутăрах, савăкрах. Пуçланă ӗçсем ăнăçлăн малалла пыраççӗ. Теветкелленме хăрамалла мар, çӗннине пуçăнса пăхмалла, ку сире тӗллевӗрсем патне çитме пулăшӗ.
22 января 2024
Халăх календарĕ

• Кăрлач уйăхӗн 22-мӗшӗ — Филипп. Çил-тăманлă — çулла йӗпе-сапаллă пулать. Çак куна пăхса кăрлач уйăхӗн вӗçӗпе авăн уйăхӗнче çанталăк мӗнле пуласса пӗлеççӗ.