News by date 12 September 2025

12 сентября 2025
Ырантан ял хуçалăх ярмарккисем уçăлаççӗ

Тутарстанра ырантан, сентябрӗн 13-мӗшӗнчен, кӗрхи ял хуçалăх ярмарккисем ӗçлеме пуçлаççӗ. Хусанта 14 площадкăра, Çырчаллинче, Анат Камăра, Ешӗлварта икшер, Анат Кама районӗнчи Камские Поляны хула евӗрлӗ поселокра пӗрер вырăнта тавар туянма май пулӗ.
12 сентября 2025
Çитес виçӗ çулта бюджет мӗнле пулать?

Сентябрӗн 1-мӗшӗ тӗлне республикăра тупăшран пухăнакан консолидациленӗ бюджет палăртнинчен 73,2 процент пурнăçланнă. Çулталăк пуçланнăранпа тупăшран илӗнекен налук укçи вара 5,3 миллиард тенкӗ сахалрах кӗнӗ. ТР Премьер-министрӗ А.Песошин бюджет дефицидне хупласси тӗп ыйтусенчен пӗри пулнине палăртса тупăш çине хурăнакан налог укçине пухассине муниципалитетсемпе пӗрле хăвăртлатмаллине паян ТР Министрсен Кабинетӗнче иртнӗ ларура аса илтерчӗ.
12 сентября 2025
Республика экономикин ӳсӗмӗ пур

Паян ТР Министрсен Кабинетӗнче республикăн социаллă экономикин 2026 – 2028 çулсенчи аталанăвӗ мӗнлерех пулассине сӳтсе яврӗç. ТР Премьер-министрӗ Алексей Песошин ертсе пыракан лару ӗçне ТР Раисӗ Рустам Минниханов, ТР Патшалăх Канашӗн Председателӗ Фарид Мухаметшин, республикăн Правительствин представителӗсем, ведомствăсен, хула-районсен ертӳçисем хутшăнчӗç.
12 сентября 2025
Редакцие унчченхи мелпе çыру çитерме çук-тăк, çӗнӗ мессенджер урлă яма пулать

Хаклă вулакансем! Редакцие тӗрлӗ мелпе çыру, салам, сăнӳкерчӗк е тата ыттине тӗрлӗ майпа ярса пама пулать халӗ. Тӗслӗхрен, мессенджерсем (Ватсап, Телеграм) урлă. Нумайăшӗ унпа усă курать те.
12 сентября 2025
Кăçал Тутарстанра ача-пăча лагерӗсенче 167 пин ача каннă

Çулла кану вăхăчӗ. Тутарстан ачисем республикăри сывлăхпа кану лагерӗсенче çеç мар ытти регионсенче те канаççӗ. Популярлисен шутӗнче Крымра вырнаçнă лагерьсем.
12 сентября 2025
Вăрмана кӗме юрамасть

ТР Гидрометцентрӗ сентябрӗн 8-мӗшӗнчен тытăнса 17-мӗшӗччен республика вăрманӗсенче пушар тухас хăрушлăх пысăккипе (4-мӗш класли) граждансене пур-çукшăнах вăрмана каймалла маррине асăрхаттарать.
12 сентября 2025
Суйлав участокӗсем Пӗрлехи сасăлав кунне хатӗрленӳ ӗçӗсене вӗçлесе пыраççӗ

Ку вырсарникун, сентябрӗн 14-мӗшӗнче, Раççейре Пӗрлехи сасăлав кунӗ иртет. 21 субъектра регион пуçлăхӗсене, 11 регионта закон кăларакан органсен депутачӗсене, 25 субъектра муниципаллă йӗркеленӳсен пуçлăхӗсене суйлӗç.