Фарида: «Эпӗ тав тума юратакан çын»
«Сувар» хаçат пӗрремӗш çул кăна мар ВКри хăйӗн страницинче паллă çынсемпе тӳрӗ эфира тухать. «Ирхи чей» тесе палăртрăмăр редакцири тӗлпулусене нумай пулмасть. Ун хăни хальхинче чăваш тата тутар эстрадин çăлтăрӗ, композитор, Чăваш Республикин тава тивӗçлӗ артисчӗ Фарида Файзуллина пулчӗ. «Ирхи чей» кăларăма хаçатăн социаллă сетьсен редакторӗ Ксения Романова ертсе пырать. Çак интервьюпа хаçат вулакансене те паллаштарма шутларăмăр.
