Пирӗн лагерьсенче кăçал 220687 ача канать
Ачасен çуллахи канăвне усăллă та хăрушсăр ирттересси республикăн социаллă политика аталанăвӗн пӗр енӗ. Регионти тата Хура тинӗс хӗрринчи (Крым, Анапа, Краснодар) лагерьсенче кăçал пурӗ 220687 ача канӗ. Пӗтӗмпе 1624 пин ытла шкулсем çумӗнчи, хуласем хӗрринчи, санаторипе курорт, палатка, ӗçпе кану лагерӗсем кӗтеççӗ вӗсене. Ачасен çуллахи канăвне кăçал мӗнле йӗркеленипе июнӗн 3-мӗшӗнче ТР Министрсен Кабинетӗнче иртнӗ брифинга ТР çамрăксен ӗçӗсен министрӗ Ринат Садыков, «Движение Первых» Пӗтӗм Раççей юхăмӗн Тутарстанри уйрăмӗн ертӳçи Тимур Сулейманов, ТР Вӗрентӳпе наука министерствин представителӗ Айгуль Кашапова, Роспотребнадзорăн Тутарстанри уйрăмӗн пуçлăхӗ Марина Патяшина, Раççей МЧСӗн Тутарстанри управленийӗн ертӳçин çумӗ Максим Трущин паллаштарчӗç.
Сувар
