News by tag - книжные новинки

19 октября 2025
Николай Ларионовăн çӗнӗ кӗнеки тухрӗ

Туслă пурăнсан кирек епле йывăрлăха та çăмăллăнах парăнтарма пулать. Кӗнекепе туслă ача нумай пӗлет, ыттисемпе килӗштерсе пурăнакана йывăрлăха лексен пулăшу алли тăсса паракан тупăнатех. Çакна Николай Ларионовăн «Акуш» кӗнекипе паллашсан куратăн. Юмах-калав пуххи нумаях пулмасть Чăваш кӗнеке издательствинче кун çути курнă. Ӳнерçи – Светлана Бритвина, редакторӗ – Ольга Федорова. Кӗнеке алçырăвӗ ачасемпе çамрăксем валли хатӗрленӗ алçырусен конкурсӗнче 2024 çулта çӗнтернӗ. Конкурса Чăваш Республикин Министрсен Кабинечӗ 2011 çулхи июнӗн 16-мӗшӗнче йышăннă постановленипе килӗшӳллӗн йӗркеленӗ.
05 ноября 2024
Тӗп сăнарсем çамрăксемшӗн тӗслӗх

Нумай пулмасть Чăваш наци библиотекине чăваш çыравçисем, литераторсемпе критиксем, журналистсем, ятарлă çар операцине хутшăннă салтаксемпе офицерсем, волонтерсем, вулавăш ӗçченӗсем, Чăваш наци конгресӗпе Вăрмар округӗн ентешлӗхӗн пайташӗсем, Ара Мишшин пултарулăхне кăмăллакансем пухăнчӗç. Кунта Ара Мишши (Михаил Краснов) çыравçăн «Зов души» кӗнекине (вырăсла пичетленнӗ) хăтларӗç. Раççей Писательсен союзӗн правленийӗ сӗннипе кӗнекене кӗсьене чиксе çӳреме меллӗ виçепе, çемçе хуплашкапа кăларнă. «Тăван Атăл» журналта, «Сувар» хаçатра чăвашла пичетленчӗ. Хайлава автор, тӗпрен илсен, ятарлă çар операцине халӗ хутшăнакан салтаксене, маларах унта хутшăннă ветерансене, хальхи вăхăтра çамрăксен пурнăç шăпи епле аталанса пыни çинчен вулама юратакансене халалланă.
02 октября 2024
Пурнăçри сăнарсемех

Асăннă произведенисемсӗр пуçне «Алран алла» ярăмри кăçалхи кăларăма Марина Карягина, Юрий Скворцов, Денис Гордеев, Петр Маркин, Ангелина Павловская калавӗсем кӗнӗ. Çӗнӗ ят та пур – Елена Николаева. Ун новеллисене вуласан пӗчӗк хуранăн пăтти тутлă тесе калас килет.
24 сентября 2024
Шупашкар: ӗнер, паян

Хулан 555 çулхи юбилейӗ тӗлне «Чебоксары. Шупашкар» кӗнеке-альбом тухрӗ. Авторӗ — Зоя Трифонова, умсăмахӗпе хыçсăмахне Владимир Степанов çырнă, Наталия Орлова художник илемлетнӗ, ятарласа тунă сăнӳкерчӗксем Г.С.Самсоновăпа Н.И.Орлован. Кăларăм вулакансен анлă ушкăнӗ валли.
01 января 2024
Тĕп сăнарсем — арçынсем

«Варкăш» литература клубӗнче хальхинче Юрий Исаевăн «Çӗнӗ касăн шухă яшӗсем» кăларăмне пахаларӗç. Хайлав пуххин хăтлавне поэтсемпе прозаиксем, литературоведсемпе журналистсем, преподавательсемпе студентсем, Юрий Исаевăн ентешӗсем йышлăн пухăнчӗç. Ларăва Чăваш наци библиотекин «Чăваш кӗнеки» центрӗн ӗçченӗ Ольга Тимофеева ертсе пычӗ.
19 ноября 2023
МУХТАВЛĂ ЕНТЕШСЕМПЕ ПАЛЛАШАР

Шел пулин те, чылай çӗрте тутарстансем пирки çителӗксӗртерех çырнă пек туйăнать
28 августа 2023
«Çил çинчи турат»

Сăвă пуххине Галина Матвеева аслă классенче вӗренекенсемпе яш-кӗрӗме, поэзие юратакан ытти вулакана халалланă.
23 июля 2023
«ЮМАХСĂР АЧАЛĂХ»

Айгиз Баймухаметовăн тепӗр кӗнеки чăвашла пичетленсе тухрӗ
30 октября 2022
«ПАЛЮК МУЧИ КӖНЕКИ»

«Кивелми кӗнеке» ярăмпа тухнăскер çутçанталăк тусӗпе паллаштарать
08 марта 2022
Ирина Трифонован калавӗсенче ачасем валли те, ашшӗ-амăшӗ валли те вӗренмелли, асра тытмалли нумай…

Çӗнӗ кӗнеке пичетленсе тухни кӗнеке издательствишӗн те, кӗнеке редакторӗшӗн те, вулама юратаканшăн та чăн-чăн уяв. Кӗнеке авторӗшӗн – капашсăр савăнăç. Талантлă çыравçăн кӗнеки кун çути курсан – пушшех те. Темиçе алă витӗр тухса редканаш йышăнăвӗпе темплана кӗнӗ кӗнеке вара, алă çупса, ура! кăшкăрса кӗтсе илнине тивӗç. Çавăн пек кӗнеке ман аллăмра. Чăваш кӗнеке издательствинче 1 пин тиражпа пичетленсе тухнăскер «Тăлăх» ятлă. Кӗнеке редакторӗ – паллă çамрăк çыравçă Ольга Леонидовна Фёдорова. Ольга Васильева пек те пӗлет ăна вулакан. Кӗнеке авторӗ – Ирина Трифонова. Вăл Тутарстанри чăвашсен «Сувар» хаçачӗн тӗп редакторӗ. Раман Иринкки ятпа та пичетленкелеççӗ унăн хайлавӗсем.