Тăван çӗршывăн Аслă вăрçинче çӗнтернӗренпе 80 çул çитесси 80 кун юлчӗ: «Çӗнтерӳ юррисем» конкурс пуçлатпăр!

Унта хутшăнас тесен вăрçă темипе (иртнӗ вăрçă вăхăтӗнчисем те, хальхисем те юраççӗ) юрă юрланине (пӗччен те, ушкăнпа та юрать) видео çине ӳкерсе илмелле те редакцие suvar@mail.ru электронлă адреспа е 89179076881 номерпе Ватсап урлă ярса памалла. Конкурса ача садне çӳрекенсем те, шкул ачисем те, аслисем те хутшăнма пултараççӗ.

Заявкăра юрлаканăн (е юрлакансен) ячӗ-хушамачӗсене, миçе çултине, миçемӗш класра вӗреннине, ăçта ӗçленине, пурăннине, вӗрентекенӗн е конкурса хатӗрлекенӗн хушаматне, ятне тата ашшӗ ятне, видеона ярса параканăн телефон номерне тата электронлă почтин адресне палăртма манмалла мар.

Конкурса янă ӗçсене 2025 çулхи майăн 11-мӗшӗччен йышăнатпăр, хаçатăн социаллă сетьсенчи ушкăнӗсенче (ВК, Одноклассники, Телеграм) кăларатпăр. Çӗнтерӳçӗсене редакци дипломпа тата асăнмалăх парнепе  хавхалантарать. Вырăн йышăнайманнисене те редакци сертификат парса чыслать. Конкурс положенийӗпе тӗплӗнрех  паллашма пулать.

Редакци.