Виҫӗ ача ҫуратсан - садик тӳлевсӗр

Ҫемьене виҫӗ е ытларах ача ӳсет пулсан, ҫакӑн пеккисен 2020 ҫулхи январӗн 1-мӗшӗнчен ача сачӗшӗн укҫа тӳлемелле пулмасть. Кун ҫинчен паян ТР Президенчӗ Рустам Минниханов каланӑ. 

Кунта та ҫемьери пӗр ҫын пуҫне тупӑш пурӑнас минимумран иртмелле мар. Ҫапла майпа ҫӗнӗ ҫултан Тутарстан Республикинчи 7202 ача садика тӳлевсӗр ҫӳрӗ. Хальхи вӑхӑтра нумай ачаллисем ача сачӗшӗн 50% тӳлеҫҫӗ.

Республика ертӳçисем демографи лару-тӑрӑвне лайӑхлатас тесе тӑрӑшни сисӗнет.