Уяв ячӗпе, йӗкехӳресем!

Кашни çул (2003 çултан пуçласа) апрелӗн 4-мӗшӗнче питӗ кăсăклă уяв иртет - Пӗтӗм тӗнчери йӗкехӳре кунӗ. Унăн тӗллевӗ пӗчӗк чӗрчун енне туртăнасси, ăна юратакансене пӗрлештересси.

Уява Америка çыннисем хăйсен юратнă йӗкехӳрисене халалласа пуçласа яма шутланă. Унтан вара ытти çӗршыври çынсем те хавассăн ку шухăшпа килӗшнӗ.

Анчах ку пирӗншӗн çӗнӗлӗх мар, мӗншӗн тесен Китай календарӗпе йӗкехӳре ячӗпе пӗр кун мар, шăп çулталăк пырать. Ахальтен мар ку чӗрчун питӗ ăслă тата вăр-вар. Хăшӗ-пӗрисемшӗн вăл çемье пайташӗ.