70-ти пенсионеркăн 17,5 миллион тенкине вăрланă

Чăн малтан Мускаври 12-мӗш полици уйрăмӗнчен шăнкăравлакан çын унăн доверенноçӗпе такамсем шучӗ çинчи укçана вăрлама тытăннине тата кредит илме заявкăсем панине ӗнентернӗ. Унтан Центробанкпа ФСБ ăна хăрушă преступниксене тытма пулăшма ыйтам пекки туса темиçе кредит илтернӗ, икӗ хваттерне суттарса укçине хăйсен шучӗ çине куçарттарнă, тесе пӗлтерет ТР ШӖМӗн пресс-служби.

Январӗн 20-мӗшӗсенчен «следовательсем» çыхăнăва урăх тухман, хăйпе мӗн пулса иртнине хӗрарăм январӗн 23-мӗшӗнче тин юлташӗсене каласа панă. Вӗсем сӗннипе тепӗр кунах, январӗн 24-мӗшӗнче, полици уйрăмӗне кайса заявлени çырнă. Хальхи вăхăтра йӗрке хуралӗ ку ӗçпе уголовнăй ӗç пуçарнă, следстви пырать. 

Иртнӗ çулăн 7 уйăхӗнче кăна шулӗксем тутарстансене телефон урлă 2 миллиард тенкӗлӗх улталанă, ку вăл куллен 7-10 миллионшар тенкӗ. Çавăнпа тимлӗрех пулăр, телефонпа шăнкăравласа пӗлтерекен кашни хыпара тӳрех шаниччен информацие тăванăрсене шăнкăравласа е банка кайса тӗрӗслӗр.